អហ.ដូនពេញ៖ កាលពីវេលាម៉ោង០០និង១៥នាទីរំលងអធ្រាត្រ ថ្ងៃទី១៨ ខែមករា ឆ្នាំ២០១៦ នៅចំណុច ចំណតឡានក្នុងផ្សារសុរិយាម៉ល សង្កាត់ផ្សារថ្មីទី៣ អហ ដូនពេញបង្រ្កាបនិងឃាត់ខ្លួនជនសង្ស័យចំនួន០៣នាក់ ដោយប៉ុនប៉ងកាច់កម៉ូតូ។
ជនសង្ស័យដែល អហ ឃាត់ខ្លួនបានមានឈ្មោះ ១.ឈ្មោះ មិន រស្មី ហៅខ្មៅ ភេទប្រុស អាយុ២៦ឆ្នាំ មុខរបរជាងធ្វើសោរ(ជាម្ចាស់សោកាច់ក) ទីលំនៅមិនពិតប្រាកដ២.ឈ្មោ ផាន់ សំណាង ហៅកុក ភេទប្រុស អាយុ២៨ឆ្នាំ មុខរបរនិងទីលំនៅមិនពិតប្រាកដ ៣.ឈ្មោះ យ៉ាំង កាញ់ ភេទប្រុស អាយុ៣៦ឆ្នាំ មុខរបរនិងទីលំនៅមិនពិតប្រាកដ ។វត្ថុតាងដែលចាប់ដកបានមាន – សោរសំរាប់កាច់កម៉ូតូចំនួន០១ឈុត សោរម៉ូតូចំនួន០២ ។
តាមការរាយការណ៍ពីសន្តិសុខយាមឡាននិងម៉ូតូក្នុងផ្សារសុរិយាម៉លនិងភ្នាក់ងាររបស់យើងថា មានជនសង្ស័យ០៣នាក់ បានមកឈរហើយដើរឆ្វែលចុះឆ្វែលឡើងក្បែរកន្លែងផ្ញើរម៉ូតូ ដោយមានការសង្ស័យថាជនទាំងនោះជាមុខសញ្ញាមិនល្អក៏បានរាយការមកកំលាំង អហ ដើម្បីមកត្រួតពិនិត្យ ក្រោយការឆែកឆេរក៏បានរកឃើញសោរសំរាប់កាច់កម៉ូតូនៅនិងឈ្មោះ មិន រស្មី ហើយក៏ឃាត់ខ្លួនជនសង្ស័យទាំង០៣នាក់យកមក មូលដ្ឋានអហដូនពេញ តែម្តង៕
