បន្ទាយមានជ័យ៖ នៅវេលាម៉ោង ១៨ និង ០០នាទី ថ្ងៃទី១៦ ខែកុម្ភៈ ឆ្នាំ២០១៨ នៅចំណុចទំនប់ទឹកអូរខៃដន ស្ថិតនៅភូមិកូនដំរី សង្កាត់និមិត្ត ក្រុងប៉ោយប៉ែត កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុង បានចុះប្រតិបត្តិការបង្រ្កាបករណីបទល្មើសជួញដូរ និងប្រើប្រាស់សារធាតុញៀនខុសច្បាប់ ដោយឃាត់ខ្លួនជនសង្ស័យបានចំនួន ០៦នាក់ រួមជាមួយវត្ថុតាងរួមមាន ៖ គ្រឿងញៀនមេតំហ្វេតាមីនទឹកកក ចំនួន ០៥កូនថង់ ស្មើ ១,៤៤ក្រាម, ម៉ូតូចំនួន ០១គ្រឿង, ទូរស័ព្ទចំនួន ០៣គ្រឿង ប្រាក់រៀលចំនួន ២៩.០០០រៀល, ប្រាក់ដុល្លា ០៥ដុល្លា, ប្រាក់បាត ១.០០០បាត, អាយផេតមីនី ០១គ្រឿង និងសម្ភារៈ សម្រាប់ប្រើប្រាស់គ្រឿងញៀនមួយចំនួនទៀត ។

បច្ចុប្បន្នមន្ត្រីជំនាញ កងរាជអាវុធហត្ថខេត្តបានកសាងសំណុំរឿងបញ្ជូនជនសង្ស័យ និងវត្ថុតាង ទៅតុលាការ ដើម្បីចាត់ការតាមនីតិវិធី ។