ព្រៃវែង៖ ស្ថិតក្រោមបញ្ជាផ្ទាល់ពីលោក ឧត្តមសេនីយ៍ត្រី ឈួន គឹមសាន មេបញ្ជាការកងរាជអាវុធហត្ថខេត្តព្រៃវែង កម្លាំងមន្ទីរយុត្តិធម៌កងរាជអាវុធហត្ថខេត្ត ដឹកនាំដោយ លោកវរសេនីយ៍ត្រី ផាត់ សុជោត ប្រធានមន្ទីរយុត្តិធម៌ បានចុះធ្វើការស្រាវជ្រាវ និងបង្ក្រាបករណីចែកចាយគ្រឿងញៀនរយៈបីថ្ងៃ ដោយឃាត់ខ្លួនជនសង្ស័យបានចំនួន ០៤នាក់ នៅចំនុចផ្សេងៗគ្នា ជនសង្ស័យទាំង ០៤នាក់រួមមាន៖

១.ឈ្មោះ លាប រតនៈ ភេទប្រុស អាយុ ២៦ឆ្នាំ រស់នៅភូមិ៦ សង្កាត់កំពង់លាវ ក្រុងព្រៃវែង ខេត្តព្រៃវែង

២.ឈ្មោះ កាន់ សុផាន់នីដា ភេទស្រី អាយុ ១៩ឆ្នាំ មុខរបរមិនពិតប្រាកដ រស់នៅភូមិខ្ចោក ឃុំពពឹស ស្រុកស្វាយអន្ទរ ខេត្តព្រៃវែង ។

៣.ឈ្មោះ ទូច ពន្លក ភេទប្រុស អាយុ ២៩ ឆ្នាំ មុខរបរ ចៅអធិការវត្តទួលព្រៃស្អាត

៤.ឈ្មោះ ប៉ន វណ្ណា ភេទប្រុស អាយុ ១៧ ឆ្នាំ រស់នៅភូមិជ្រៃសីម៉ា ឃុំជាខ្លាង ស្រុកស្វាយអន្ទរ ខេត្តព្រៃវែង

កម្លាំងបានចាប់យកវត្ថុតាងរួមមាន៖

១.ម្សៅក្រាមពណ៌សថ្លាចំនួន ១១កញ្ចប់

២.ទូរស័ព្ទចំនួន ០៤គ្រឿង

៣.ម៉ូតូចំនួន ០១គ្រឿង

៤.ឯកសណ្ឋានប៉ារ៉ា១ កំផ្លេ មួកប៉ារ៉ា១

៥.ស្បែកជើងកវែងប៉ារ៉ា០១ គូរ និងសម្ភារៈមួយចំនួនទៀត។

បច្ចុប្បន្ន មន្ត្រីជំនាញកងរាជអាវុធហត្ថខេត្ត កំពុងបន្តតាមនីតិវិធី។