កណ្តាល ៖ ព្រឹកថ្ងៃអង្គារ ៦កើត​ ខែផល្គុន​ ឆ្នាំរកា​ នព្វស័ក ព.ស.២៥៦១​ ត្រូវនឹងថ្ងៃទី២០​ ខែកុម្ភៈ​ ឆ្នាំ២០១៨​ នៅចំណុចវិទ្យាល័យ​ ហ៊ុនសែន​ ROTA ខ្សាច់កណ្តាល​ ស្ថិតនៅភូមិសន្លុង​ ឃុំសន្លុង​ ស្រុកខ្សាច់កណ្តាល​ ខេត្តកណ្តាល។  កម្លាំង​មូលដ្ឋានកងរាជអាវុធហត្ថស្រុកខ្សាច់កណ្តាល សហការជាមួយកម្លាំង​កងរាជអាវុធហត្ថខេត្ត​ ដឹកនាំដោយលោកវរសេនីយ៍ទោ​ ពក​ សាង​ នាយរងសេនាធិការ​ ​បានចុះផ្សព្វផ្សាយ និងអប់រំផលប៉ះពាល់ដែលបណ្តាលមកពីគ្រឿងញៀន​ ដល់សិស្សានុសិស្ស​ សរុប ១.០២២ នាក់​ ស្រី ៤៨៦ ​នាក់​លោកគ្រូ​ អ្នកគ្រូ​ ចូលរួមសរុប៣០នាក់ ក្នុងឱកាសនោះដែរបាននាំយកនូវសម្ភារៈកីឡា​ មួយចំនួន​ ដែរជាការឧបត្ថម្ភពី​ លោកឧត្តមសេនីយ៍ត្រី​ សំ​ តុលា​ មេបញ្ជាការ​ កងរាជអាវុធហត្ថខេត្តកណ្តាល។