អហ ខណ្ឌទួលគោក៖ កម្លាំងកងរាជ​អាវុធហត្ថ​ខណ្ឌទួលគោក​បាន​ ឃាត់ខ្លួនជនសង្ស័យ០២នាក់ ពីបទប៉ុនប៉ងលួច(ឆក់កាបូប) នៅវេលាម៉ោង១១និង០០នាទីថ្ងៃទី១៨ខែមករាឆ្នាំ២០១៦ នៅចំនុចផ្លូវ១២២កែងម៉ៅសេទុង សង្កាត់ទឹកល្អក់១ខណ្ឌទួលគោក ។
ហេតុការណ៍ប៉ុនប៉ងឆក់កាបូបនេះដែរ បានកើតឡើង នៅចំណុច មុខអាគារពន្ធដា ផ្លូវម៉ៅសេទុង សង្កាត់ទឹកល្អក់១ ខណ្ឌទួលគោក រាជធានីភ្នំពេញ ។
ជនសង្ស័យដែលឃាត់ខ្លួនបានមានឈ្មោះ ១-មាស រតនា ភេទប្រុស អាយុ១៧ឆ្នាំ ជនជាតិខ្មែរ មុខរបរសិស្សិថ្នាក់១២E1 វិទ្យាល័យបាក់ទូក ស្នាក់នៅផ្ទះលេខ១៣ ផ្លូវត្រសក់ផ្អែម ខណ្ឌដូនពេញ (ជាអ្នកអង្គុយពីក្រោយធ្វើសកម្មភាពឆក់កាបូប)។
២-សៀវ ម៉េង ភេទប្រុស អាយុ១៧ឆ្នាំ ជនជាតិខ្មែរ មុខរបរសិស្សិថ្នាក់១២E1 វិទ្យាល័យបាក់ទូក ស្នាក់នៅផ្ទះលេខ៣៦៩ ផ្លូវលេខ១០ខណ្ឌច្បារអំពៅ រាជធានីភ្នំពេញ។
ជនរងគ្រោះឈ្មោះ Hanui Ju អាយុ៣១ឆ្នាំ ជនជាតិកូរ៉េខាងត្បូងមុខរបរ ទេសចរណ៍ស្នាក់នៅខុនដូរ កាំកូស៊ីធី សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ ។
វត្ថុតាងចាប់ដកបានមាន ម៉ូតូ០១គ្រឿង ម៉ាកហុងដាសេ១២៥ ពណ៍ខ្មៅពាក់ស្លាកលេខភ្នំពេញ 1DD5056 (ជារបស់ជនសង្ស័យធ្វើសកម្មភាព)។
កាបូប០១ ក្នុងកាបូបមានលុយ១៥៥$ និង២០០០វុន ជារបស់ជនរងគ្រោះបានប្រគល់ជូនជនរងគ្រោះវិញ។
បើតាមមន្ត្រីកងរាជអាវុធហត្ថបានប្រាប់ឲ្យដឹងថាមុនពេលកើតហេតុនៅវេលាម៉ោង១០និង០០នាទីជនរងគ្រោះបានចេញពីខុនដូរកាំស៊ីធីដោយជិះតុកតុកពីរនាក់ពូរបស់គាត់គោលបំណងទៅវិទ្យាស្ថានបច្ចេកទេសកម្ពុជា(សាលាតិចណូ) ដើម្បីចង់ស្គាល់និងថតរូបលេងជាលក្ខណៈទេសចរណ៍ ប៉ុន្តែតុកតុកក៍បានជិះហួសពេលនោះជនរងគ្រោះក៍បានប្រាប់ឲ្យតុកតុកឈប់ពេលនោះតុកតុកក៍ឈប់
ជនរងគ្រោះក៍បានចុះពីលើតុកតុកដោយស្ពាយកាបូបនៅដៃខាងឆ្វេងស្រាប់តែមានជនសង្ស័យ០២នាក់ជិះមកក្បែរធ្វើសកម្មភាពឆក់កាបូបហើយជនរងគ្រោះក៍បានស្រែកចោរៗតែម្តង ពេលនោះកម្លាំងល្បាតដែលកំពុងល្បាតក្បែរនោះដេញតាមចាប់យ៉ាងប្រផាប់ប្រផីងមកដល់ចំនុចផ្លូវ១២២កែងផ្លូវម៉ៅសេទុង សង្កាត់ទឹកល្អក់១ខណ្ឌទួលគោក ក៍ធ្វើការឃាត់បានជាក់ស្តែងបានតែម្តង៕