តាកែវ៖ នៅវេលាម៉ោង ០៧ និង ១០នាទីថ្ងៃពុធ ទី២១ ខែកុម្ភៈ ឆ្នាំ២០១៨ កំលាំងការិយាល័យបទល្មើសគ្រឿងញៀនកងរាជអាវុធហត្ថខេត្តតាកែវ សហការ ជាមួយកំលាំងមូលដ្ឋានកងរាជអាវុធហត្ថក្រុងដូនកែវ និងកំលាំងមូលដ្ឋានកងរាជអាវុធហត្ថស្រុកគីរីវង់ ដឹកនាំដោយលោក វរសេនីយ៍ឯក ង៉ែត ចាន់ធី បញ្ជាការរង ទទួលផែនយុត្តិធម៌ បានចុះបង្ក្រាបដំណាំកញ្ឆា នៅចំនុច ចន្លោះ ជ្រោះអូរបែកថ្លាង និងចន្លោះភ្នំ វិហ៊ាចោន ស្ថិតក្នុងភូមិជ្រោយ ឃុំព្រះបាទជាន់ជុំ ស្រុកគីរីវង់ ខេត្តតាកែវ ដោយដុតបំផ្លាញដំណាំ កញ្ឆានៅនឹងកន្លែងបាន  ៣៨ ទីតាំង  ដើមកញ្ឆាស្មើនឹង ៦៥.០០០ ដើម បំផ្លាញអាងស្តុកទឹកសម្រាប់ស្រោចកញ្ឋាបានចំនួន ៥០ អាង នៅនិងកន្លែង បំផ្លាញទុយោទឹកសម្រាប់ប្រើប្រាស់ស្រោចស្របកញ្ឆានៅនិងកន្លែងបាន ១.៥០០ម៉ែត្រ ។