កណ្តាលៈ នៅវេលាម៉ោង ០៩:០០ នាទីថ្ងៃ សៅរ៍ ១០កើត ខែ ផល្គុនឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៤ ខែកុម្ភៈ ឆ្នាំ២០១៨ កម្លាំងមូលដ្ឋានកងរាជអាវុធហត្ថស្រុកអង្គស្នួល ដឹកនាំដោយលោក អនុសេនីយ៍ឯក ស្តើង សំអាត មេបញ្ជាការរងមូលដ្ឋានកងរាជអាវុធហត្ថស្រុក ចុះល្បាតក្នុងភូមិសាស្រ្តស្រុក បានប្រទះឃើញរថយន្តដឹកឈើ ០១គ្រឿងម៉ាក ហ៊ីយ៉ាន់ដាយពណ៌ស ទម្ងន់ ២,៥តោន ស្លាកលេខភ្នំពេញ ៣B ៦៧៩០ នៅចំណុចផ្លូវ៥១ ស្ថិតក្នុងភូមិរកាខ្មៀស ឃុំតំណាក់អំពិល ស្រុកអង្គស្នួល ខេត្តកណ្តាល ដឹកឈើដោយគ្មានលិខិតអនុញ្ញាត។

កម្លាំងបានចាប់យកវត្ថុតាងរួមមាន៖

១.ឈើក្រាក់ចំនួន ១០៧ ដើម មុខកាត់ ០,១ម៉ែត្រមូល ប្រវែង២ ម៉ែត្រ

២.ប្រភេទឈើផ្ចឹកជ្រុង ៣០ ដើម ស្មើនឹង ២,៦៨៨ ម៉ែត្រគូប

៣.កូនក្រឡឹង ០៥ដុំ ប្រភេទឈើតាសេក ឈើជ្រុងសរុប ៣៦ដើម

៤.រថយន្ត១គ្រឿង ម៉ាកហ៊ីយ៉ានដាយ ។

បច្ចុប្បន្នវត្ថុតាងត្រូវបានប្រគល់អោយរដ្ឋ បាលព្រៃឈើអង្គស្នួល អនុវត្តតាមនីតិវិធី។