ភ្នំពេញ៖ នៅថ្ងៃអង្គារ ១៣កើត ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៧ ខែកុម្ភៈ ឆ្នាំ២០១៨ ចំណុចផ្ទះលេខ០៤ ផ្លូវលេខ៤៥៨ ភូមិអណ្តូង០៣ សង្កាត់គោករកា ខណ្ឌព្រែកព្នៅ រាជធានីភ្នំពេញ កម្លាំងមូលដ្ឋានកងរាជអាវុធហត្ថខណ្ឌព្រែកព្នៅ បានធ្វើការដកហូតទូហ្គេមខុសច្បាប់ និងឃាត់ខ្លួនជនសង្ស័យចំនួន ០៦នាក់ ពាក់ព័ន្ធទៅនឹងសារធាតុញៀន ជនសង្ស័យរួមមាន៖

១.ឈ្មោះ កែវ ឆៃយ៉ា ភេទប្រុស អាយុ ៣១ឆ្នាំ ជនជាតិខ្មែរ មុខរបររត់ម៉ូតូកង់បី មានទីលំនៅ ភូមិអណ្តូង០៤ សង្កាត់គោករកា ខណ្ឌព្រែកព្នៅ រាជធានីភ្នំពេញ។

២.ឈ្មោះ ណុច សុភ័ក្រ ភេទប្រុស អាយុ ២១ឆ្នាំ ជនជាតិខ្មែរ មុខរបរជាងដែក រស់នៅភូមិដំរីឆ្លង ឃុំស្អាងភ្នំ ស្រុកស្អាង ខេត្តកណ្តាល។

៣.ឈ្មោះ ជិន ជា ភេទប្រុស អាយុ ៣៣ ឆ្នាំ ជនជាតិខ្មែរ មុខរបរមើលទូរហ្គេម រស់នៅភូមិអណ្តូងថ្មី សង្កាត់គោករកា ខណ្ឌព្រែកព្នៅ រាជធានីភ្នំពេញ។

៤.ឈ្មោះ ប្រាក់ ម៉ាលី ភេទប្រុស អាយុ ៣៤ឆ្នាំ ជនជាតិខ្មែរ មុខរបរចុងភៅ រស់នៅភូមិខ្មែរលើថ្មី សង្កាត់គោករកា ខណ្ឌព្រែកព្នៅ រាជធានីភ្នំពេញ។

៥.ឈ្មោះ រុន ភក្តី ភេទប្រុស អាយុ ២៨ ឆ្នាំ ជនជាតិខ្មែរ មុខរបរកម្មករផែ រស់នៅភូមិអណ្តូង០៣ សង្កាត់គោករកា  ខណ្ឌព្រែកព្នៅ រាជធានីភ្នំពេញ។

៦-ឈ្មោះ គឹម សុភ័ណ្ឌ ភេទប្រុស អាយុ ៣៥ ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិអណ្តូងថ្មី សង្កាត់ គោករកាខណ្ឌព្រែកព្នៅ រាជធានីភ្នំពេញ ។

វត្ថុតាងនិងសម្ភារៈចាប់យកមាន៖

១.ម្សៅក្រាមព៌ណសថ្លា ចំនួន ១៩ កញ្ចប់

២.ម៉ូតូចំនួន ០៤គ្រឿង

៣.ទូហ្គេមវ៉ៃពង់បៀរចំនួន ០៨ទូ

៤.ទូរស័ព្ទចំនួន ០៤គ្រឿង ។

បច្ចុប្បន្នជនសង្ស័យរួមនឹងវត្ថុតាងបញ្ជូនទៅ ការិយាល័យប្រឆាំងបទល្មើសគ្រឿងញៀន កងរាជអាវុធហត្ថ រាជធានីភ្នំពេញ ដើម្បីចាត់ការបន្ត។