កណ្តាល ៖ ព្រឹកថ្ងៃព្រហស្បតិ៍ ១៥កើត ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី០១ ខែមីនា ឆ្នាំ២០១៨ នៅវិទ្យាល័យទេពប្រណម្យ ស្ថិតនៅភូមិទេពប្រណម្យ ឃុំវិហារលួង ស្រុកពញាឮ កម្លាំង​មូលដ្ឋានកងរាជអាវុធហត្ថស្រុកពញាឮ សហការជាមួយកម្លាំង​កងរាជអាវុធហត្ថខេត្តកណ្តាល​ ដឹកនាំដោយលោកវរសេនីយ៍ទោ​ ពក​ សាង​ នាយរងសេនាធិការ​ ក្នុងនោះដែរអញ្ជើញចូលរួមមានលោកមេបញ្ជាការមូលដ្ឋានកងរាជអាវុធហត្ថស្រុកលោកប្រធានការិយាល័យអប់រំស្រុក លោកប្រធាន សសយក ស្រុក លោកនាយក នាយករង វិទ្យាល័យ និងតំណាង លោកមេឃុំវិហារលួង​ បានចុះផ្សព្វផ្សាយអប់រំអំពីផលប៉ះពាល់ដែលបណ្តាលមកពីគ្រឿងញៀន​ ដល់សិស្សានុសិស្សលោកគ្រូអ្នកគ្រូ ចូលរួមសរុប ១១៣០នាក់ ស្រី៦៣៧ នាក់ ។ ក្នុងឱកាសនោះលោកវរសេនីយ៍ទោ​ ពក​ សាង បាននាំយកសម្ភារៈកីឡា​ មួយចំនួន​ដែលជាការឧបត្ថម្ភពី​ លោកឧត្តមសេនីយ៍ត្រី​ សំ​ តុលា​ មេបញ្ជាការ​កងរាជអាវុធហត្ថ ខេត្តកណ្តាលជូនដល់សាលាផងដែរ។