ព្រៃវែង ៖ រសៀលថ្ងៃព្រហស្បតិ៍ ទី០១ ខែមីនា ឆ្នាំ២០១៨ លោកអនុសេនីយ៍ឯក លាវ កីឡា មេបញ្ជាការមូលដ្ឋានកងរាជអាវុធហត្ថស្រុកស្វាយអន្ទរ តំណាងលោកឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង បានដឹកនាំមន្ត្រីក្រោមឱវាទ ចុះសួរសុខទុក្ខ និងនាំយកគ្រឿងឧបភោគបរិភោគ រួមនិងថវិកាចំនួន ១៥០.០០០រៀល ជូនដល់លោកតា ប្រេស អៀក អាយុ ៧៣ឆ្នាំ ដែលមានជម្ងឺប្រចាំការ និងលោកយាយ ជោ សុផល អាយុ ៦០ឆ្នាំ មានជម្ងឺស្លាប់មួយជំហៀងខ្លួន សព្វថ្ងៃរស់នៅក្នុងភូមិពោធិ៍ចិន្តាំ ឃុំស្វាយអន្ទរ ស្រុកស្វាយអន្ទរ ខេត្តព្រៃវែង ដែលពួកគាត់ដើររើសអេតចាយ ដើម្បីរកប្រាក់មកចិញ្ចិមចៅកំព្រាចំនួន ០៥ នាក់  ។