រាជធានីភ្នំពេញៈ នៅវេលាម៉ោង០៨ និង០០នាទីព្រឹក ថ្ងៃព្រហស្បតិ៍ ១៣រោច ខែផលគ្គុណ ឆ្នាំរកា នព្វសក័ ព.ស២៥៦១ ត្រូវនឹងថ្ងៃទី១៤ ខែមីនា ឆ្នាំ២០១៨ នៅសាលប្រតិបត្តិការ អគារសេនាធិការដ្ឋាន បញ្ជាការដ្ឋាន កងរាជអាវុធហត្ថលើផ្ទៃប្រទេស បានបើកកិច្ចប្រជុំត្រួតពិនិត្យ ការអនុវត្តតួនាទីភារកិច្ច ការងារកងរាជអាវុធហត្ថ ប្រចាំសប្តាហ៍ទី២ ខែមីនា ឆ្នាំ២០១៨។
កិច្ចប្រជុំនេះប្រព្រឹត្តទៅក្រោមអធិបតីភាព លោកឧត្តមសេនីយ៍ឯក វង្ស ពិសេន មេបញ្ជាការរង និងជា នាយសេនាធិការ កងរាជអាវុធហត្ថលើផ្ទៃប្រទេស និងដោយមានការអញ្ជើញចូលរួមពីសំណាក់ លោកឧត្តមសេនីយ៍ នាយរងសេនាធិការ ស្នងការ ស្នងការរង នាយកសាលាទាំង២ នាយការិយាល័យជំនាញ មេបញ្ជាការ វរកងអន្តរាគមន៍ ចំណុះបញ្ជាការដ្ឋាន កងរាជអាវុធហត្ថលើផ្ទៃប្រទេស និងនាយអាវុធហត្ថ ដែលមានការពាក់ព័ន្ធសរុបចំនួន ៧២នាក់។
លោកឧត្តមសេនីយ៍ឯក វង្ស ពិសេន ក៍បានធ្វើការសរសើរដល់តាមបណ្តាជំនាញទាំងអស់ ដែលបានខិតខំបំពេញភារកិច្ចរបស់ខ្លួនបានយ៉ាងល្អ ជាពិសេស ក្នុងការងារបង្ក្រាបបទល្មើសផ្សេងៗ ដែលកើតមានឡើង និងបានធ្វើការគូសបញ្ជាក់ ទៅដល់តាមបណ្តាជំនាញទាំងអស់ ត្រូវបន្តខិតខំបំពេញភារកិច្ចរបស់ខ្លួនអោយបានល្អ និងច្បាស់លាស់ ជៀសវាងការបង្កើតកំហុសឆ្គងណាមួយ ដែលអាចនឹងកើតមានឡើងជាយថាហេតុ។
