បន្ទាយមានជ័យ៖ នៅវេលាម៉ោង ១៥ និង ៣០នាទីថ្ងៃសុក្រ ១៥រោច ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី ១៦ ខែមីនា ឆ្នាំ២០១៨ ចំណុចបន្ទប់លេខ ១០៦ និង១០៧ ផ្ទះសំណាក់ លីបុទុម ស្ថិតក្នុងភូមិ ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ កម្លាំងមូលដ្ឋានកងរាជអាវុធហត្ថក្រុងសិរីសោភ័ណ បានធ្វើប្រតិបត្តិការបង្រ្កាប ករណីរក្សាទុក និងប្រើប្រាស់ដោយខុសច្បាប់នូវសារធាតុញៀន ដោយឃាត់ខ្លួនជនសង្ស័យបានចំនួន ០៤ នាក់គឺ ៖

១.ឈ្មោះ ស្មៃ ចន្នី ភេទប្រុស អាយុ ២៦ឆ្នាំ ជនជាតិខ្មែរ ទីលំនៅបច្ចុប្បន្ន ភូមិសែសិន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ

២.ឈ្មោះ សាម៉ុន រិទ្ធី ហៅ ក្តី ភេទប្រុស អាយុ ២៤ឆ្នាំ ជនជាតិខ្មែរ ទីលំនៅបច្ចុប្បន្ន ភូមិតារាងបាល់ សង្កាត់ កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ

៣.ឈ្មោះ ម៉ន ស្រីសរ ភេទស្រី អាយុ ២៥ឆ្នាំ ជនជាតិខ្មែរ ទីលំនៅបច្ចុប្បន្ន ភូមិ ៣ សង្កាត់ព្រះពន្លា ក្រុងសិរីសោភ័ណ ខេត្ត បន្ទាយមានជ័យ

៤.ឈ្មោះ ញាន សាវ៉ែង ហៅ ស្រីដែត ភេទស្រី អាយុ ២៤ឆ្នាំ ជនជាតិខ្មែរ ទីលំនៅបច្ចុប្បន្ន ភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ

កម្លាំងបានចាប់យកវត្ថុតាងរួមមាន ៖

-គ្រឿងញៀនមេតំហ្វេតាមីន ទឹកកក ចំនួន ០៣កូនថង់ ទម្ងន់ ១,៣៩ ក្រាម

-ទូរស័ព្ទចំនួន ០២គ្រឿង

-នាឡិកាដៃចំនួន ០១គ្រឿង

-ចិញ្ចៀនលោហធាតុពណ៌លឿង ចំនួន ០១វង់

-អត្តសញ្ញាណប័ណ្ណសញ្ជាតិខ្មែរចំនួន ០១សន្លឹក និងឧបករណ៍ជក់គ្រឿងញៀន មួយចំនួនទៀត។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្តបញ្ជូនទៅសាលាដំបូងខេត្ត ដើម្បីបន្តតាមនីតិវិធី។