ភ្នំពេញ៖ នៅវេលាម៉ោង ១១ និង៣០នាទីថ្ងៃសៅរ៍ ១កើត ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី ១៧ខែមីនា ឆ្នាំ២០១៨ កម្លាំងមូលដ្ឋានកងរាជអាវុធហត្ថខណ្ឌប្ញស្សីកែវ សហការជាមួយកម្លាំងការិយាល័យប្រឆាំងបទល្មើសគ្រឿងញៀនរាជធានីភ្នំពេញ ដឹកនាំដោយលោកវរសេនីយ៍ទោ ប៉ាន់ សុភា នាយការិយាល័យ បានចុះបង្ក្រាបជាក់ស្ដែង នឹងធ្វើការឆែកឆេរ បន្ទប់លេខ៣០៨ ផ្ទះសំណាក់ ហាក់ ហេង ស្ថិតនៅផ្លូវជាតិលេខ៥ភូមិឡកំបោសង្កាត់ស្វាយប៉ាក ខណ្ឌប្ញស្សីកែវ រាជធានីភ្នំពេញកម្លាំងបានឃាត់ខ្លួនជនសង្ស័ចំនួន ០៤នាក់ ប្រុស ០២នាក់ នឹងស្រី ០២នាក់ និងដកហូតវត្ថុតាងរួមមាន៖

-ម្សៅក្រាមពណ៌សថ្លាចំនួន ០៧កញ្ចប់

-ជញ្ជីងសម្រាប់ថ្លឹងគ្រឿងញៀន ០១គ្រឿង

– ថង់សម្រាប់ច្រកគ្រឿងញៀនមួយចំនួន និងប្រដាប់ប្រដាសំរាប់ប្រើប្រាស់គ្រឿងញៀនមួយចំនួន

-ម៉ូតូ ០១គ្រឿង

– លុយរៀលចំនួន ៣ម៉ឺនរៀល

-ទូស័ព្ទ ០៥គ្រឿង

បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញ កងរាជអាវុធហត្ថរាជធានីភ្នំពេញ កសាងសំណុំរឿងបញ្ជូនទៅសាលាដំបូងដើម្បីបន្តនីតិវិធី។