អហ.បន្ទាយមានជ័យ៖ នៅម៉ោង១១យប់ថ្ងៃទី២៨ ខែមករា ឆ្នាំ២០១៦ កម្លាំងស្នាក់ការ៥៦៨នៃបញ្ជាមូលដ្ឋានកងរាជអាវុធហត្ថក្រុងប៉ោយប៉ែតចំនួន៤នាក់ដឹកនាំដោយលោកអនុសេនីយ៍ឯក ស សុភក្ត្រា ប្របាធានស្នាក់ការបានចុះល្បាតក្នុងភូមិសាស្ត្រចំណុចចំណតរថភ្លើង រ៉ាចាស់ ក្នុងភូមិប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានធ្វើការឃាត់ខ្លួនជនសង្ស័យកំពុងលក់គ្រឿងញៀនបានម្នាក់និងដកហូតវត្ថុតាងម៉ាទឹកកក១កញ្ចប់តូចនិងថ្នាំមេតំហ្វេតាមីន១១គ្រាប់ចាប់បញ្ជូនមកទីបញ្ជាការកងរាជអាវុធហត្ថខេត្តបន្ទាយមានជ័យដើម្បីធ្វើការសាកសួរ។ លោកវរៈសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តបន្ទាយមានជ័យទទួលលើការងារគ្រឿងញៀនបានឲ្យដឹងថា ជនសង្ស័យមានឈ្មោះ សុខ ហួរ ភេទស្រី អាយុ១៨ឆ្នាំ រស់នៅភូមិមិត្ត ភាព សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ លោក ស ប៊ុនសឿង បានបញ្ជាក់ទៀតថាបើតាមចំលើយសារភាពរបស់ជនសង្ស័យបានឆ្លើយសារភាពនៅមុខអាវុធហត្ថថាគ្រឿងញៀនទាំងអស់នេះជារបស់ខ្លួនពិតប្រាកដមែនដោយខ្លួនបានទិញពីឈ្មោះលីន ភេទស្រីអាយុប្រហែល២៧ឆ្នាំ ដើម្បីយកមកប្រើប្រាស់ជាមួយមិត្តភ័ក្រ។ លោក ស ប៊ុនសឿង បានបញ្ជាក់ទៀតថាដោយបានចំលើយសារភាព ជនសង្ស័យត្រូវបានកំលាំងអាវុធហត្កកសាងសំណុំរឿងបញ្ជូនទៅតុលាការដើម្បីដាក់ទោសទៅតាមផ្លូវច្បាប់៕
