តាកែវ៖ វេលាម៉ោង ២០ និង៣០នាទីនាទីថ្ងៃ១៩ ខែមីនា ឆ្នាំ២០១៨ កម្លាំងការិយាល័យបទល្មើសគ្រឿងញៀន កងរាជអាវុធហត្ថខេត្តតាកែវ បានចេញប្រតិបត្តិការបង្ក្រាបមុខសញ្ញាជួញដូរនិងប្រើប្រាស់គ្រឿងញៀន នៅចំណុចផ្ទះជួលស្ថិតនៅភូមិស្នោរ សង្កាត់រកាក្នុង ក្រុងដូនកែវ ខេត្តតាកែវ ដោយឃាត់ខ្លួនជនសង្ស័យចំនួន ២ នាក់ ៖

១.ឈ្មោះ គយ សុផាផាន់ ហៅគោ ភេទប្រុស អាយុ ៣៧ឆ្នាំ មុខរបរមិនពិតប្រាកដ រស់នៅភូមិ អង្គត្នោត ឃុំអង្គតាសោម ស្រុកត្រាំកក់

២.ឈ្មោះ ឈឹម តួ ភេទប្រុស អាយុ ១៩ឆ្នាំ មុខរបរមិនពិតប្រាកដ រស់នៅភូមិថ្នល់បែក សង្កាត់រកាក្រៅ ក្រុងដូនកែវ ខេត្តតាកែវ កម្លាំងបានដកហូតវត្ថុតាងរួមមាន៖

-ម្សៅក្រាមពណ៌សថ្លាចំនួន០៦ កញ្ចប់ ទំងន់ ៤.១៣ ក្រាម

-ទូរស័ព្ទចំនួន៤ គ្រឿង

-ម៉ូតូ០១គ្រឿង រួមនិងសម្ភារៈសម្រាប់វេចខ្ចប់គ្រឿងញៀនមួយចំនួនទៀត។

បច្ចុប្បន្ន ជនសង្ស័យនិងវត្ថុតាង ត្រូវបានការិយាល័យជំនាញ កំពុងកសាងសំនុំរឿងបញ្ជូនទៅសាលាដំបូងខេត្ត។