ភ្នំពេញ៖ ព្រឹកថ្ងៃសុក្រ ៧កើត ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៣ ខែមីនា ឆ្នាំ២០១៨លោកឧត្តមសេនីយ៍ត្រី ផាត់ សាវុធ ស្នងការរង ស្នងការដ្ឋានសម្ភារៈបច្ចេកទេស តំណាងលោក ឧត្តមសេនីយ៍ឯក ទៀវ ប៊ុនខេង មេបញ្ជាការរង កងរាជអាវុធហត្ថលើផ្ទៃប្រទេស ទទួលការងារ សម្ភារៈបច្ចេកទេស ដឹកនាំនាយ នាយរងអាវុធហត្ថចុះសួរសុខទុក្ខ លោកវរសេនីយ៍ទោ ឆៃ យ៉ារិទ្ធ នាយរងការិយាល័យផែនការ ស្នងការដ្ឋានសម្ភារៈបច្ចេកទេស ដែលមានជំងឺកំពុងសំរាកព្យាបាលនៅមន្ទីរពេទ្យបាយ័ន ដោយបាននាំនូវថវិការបស់នាយ នាយរងអាវុធហត្ថចំណុះស្នងការដ្ឋាន សម្ភារៈបច្ចេកទេស អង្គភាពរោងជាង និង កងអនុសេនាធំដឹកជញ្ជូនចំនួន ២.៩៤០.០០០៛ និង ទឹកដោះគោឆៅ ២ឡូត៍ ជូនដល់គ្រួសារលោកវរសនីយ៍ទោ ឆៃ យ៉ារិទ្ធ ដើម្បីជួយសម្រួលដល់បន្ទុកគ្រួសារផងដែរ។