ភ្នំពេញ៖ រសៀលថ្ងៃប្រហស្បតិ៍ ៦កើត ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២២ ខែមីនា ឆ្នាំ២០១៨ នៅសាលប្រជុំក្រសួងការពារជាតិ លោកឧត្តមសេនីយ៍ឯក ប្រាក់ សិទ្ធិ មេបញ្ជាការរងកងរាជអាវុធហត្ថលើផ្ទៃប្រទេស តំណាងដ៏ខ្ពង់ខ្ពស់លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស បានអញ្ជើញចូលរួមក្នុងពិធីប្រគល់រង្វាន់ជ័យលាភីស្នាដៃតែងនិពន្ធអក្សរសិល្ប៍ និងសិល្បះ ដើម្បីអបអរសាទរខួបលើកទី៥០ ថ្ងៃបង្កើតទំនាក់ទំនងការទូតកម្ពុជាវៀតណាម។ នៅក្នុងឱកាសនោះដែរ បក្ខជនកងរាជអាវុធហត្ថដែលត្រូវទទួលរង្វាន់ជ័យលាភីពីក្រសួងការពារជាតិមានចំនួន ០៥នាក់ លិខិតសរសើរ (ថ្នាក់ក្រសួងការពារជាតិ) ចំនួន ០៣ និងប័ណ្ណសរសើរ (ថ្នាក់ក្រសួងការពារជាតិ) ០១ បក្ខជនទាំងអស់គឺមកពីបញ្ជាការរដ្ឋានកងរាជអាវុធហត្ថលើផ្ទៃប្រទេស និងពីបញ្ជាការដ្ឋានកងរាជអាវុធហត្ថតាមបណ្តារាជធានី.ខេត្ត៕