កោះកុង៖ នៅព្រឹកថ្ងៃព្រហស្បតិ៍ ៦កើត ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២២ ខែមីនា ឆ្នាំ២០១៨ នៅបញ្ជាការដ្ឋានកងរាជអាវុធហត្ថខេត្តកោះកុង បានទទួលប្រតិភូចុះមកត្រួតពិនិត្យការងារនគរបាលយុត្តិធម៌ ក្រោអធិបតីភាពឯកឧត្តម ស៊ិន រិទ្ធ អគ្គព្រះរាជអាជ្ញារងអមសាលាឧទ្ធរណ៍ ដោយត្រួតពិនិត្យសៀវភៅបញ្ជីទទួលពាក្យបណ្តឹង និងសៀវភៅបញ្ជីឃាត់ខ្លួន ក្នុងនោះនាយ នាយរងនៃផែននគរបាលយុត្តិធម៌ចូលរួមចំនួន ២០ នាក់ផងដែរ ។