សៀមរាប៖ នៅវេលាម៉ោង ១៣ និង ០០នាទីថ្ងៃទី២៤ ខែមីនា ឆ្នាំ២០១៨ កម្លាំងកងរាជអាវុធហត្ថខេត្តសៀមរាប បានចុះបង្ក្រាបករណីរក្សាទុក ដឹកជញ្ជូន ឫជួញដូរដោយខុសច្បាប់នូវសារធាតុញៀន នៅចំណុចភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប ក្នុងនោះឃាត់ខ្លួនជនសង្ស័យចំនួន០៣នាក់៖

១.ឈ្មោះ ចិន្តា សត្យា ភេទប្រុស អាយុ៣៤ឆ្នាំ មុខរបរបុគ្គលិកផ្ទះសំណាក់ ទីលំនៅភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប។

២.ឈ្មោះ សួន ចន្ធូ ភេទស្រី អាយុ ២៨ឆ្នាំ មុខរបរមិនពិតប្រាកដ ទីលំនៅភូមិខ្នារ សង្កាត់ជ្រាវ ក្រុងសៀមរាបខេត្តសៀមរាប។

៣.ឈ្មោះ ម៉ៃ ឧត្តម ភេទប្រុស អាយុ ២២ឆ្នាំ មុខរបរជាងម៉ាស៊ីនត្រជាក់ ទីលំនៅភូមិជន្លង់ សង្កាត់សាលាកំរើក ក្រុងសៀមរាប ខេត្តសៀមរាប។

កម្លាំងបានចាប់យកវត្ថុតាងមានម្សៅគ្រើមម៉ាទឹកកកចំនួន ១០កញ្ចប់ ទម្ងន់ ៦,៨៧ក្រាម ជញ្ជីងថ្លឹងថ្នាំញៀន០១គ្រឿង និងទូរស័ព្ទចំនួន ០២គ្រឿង។

បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញកងរាជអាវុធហត្ថខេត្តកសាងសំណុំរឿង បញ្ជូនទៅសាលាដំបូង ។