ព្រះសីហនុ៖ ថ្ងៃអាទិត្យ ១០កើត ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៥ ខែមីនា ឆ្នាំ២០១៨ កម្លាំងការិយាល័យបទល្មើសគ្រឿងញៀន ដឹកនាំដោយលោកវរសេនីយ៍ត្រី ឡុង គឹមហួរ នាយការិយាល័យបទល្មើសគ្រឿងញៀន បានដឹកនាំកម្លាំងចុះបង្ក្រាបករណីជួញដូរគ្រឿងញៀន នៅហ្គេមបាញ់ត្រីឡាយអិន ស្ថិតនៅក្រុម១៤ ភូមិ៤ សង្កាត់៤ ក្រុងព្រះសីហនុង ខេត្តព្រះសីហនុ និងនៅចំណុចក្រោយកាល់តិច សាលាឆទៀន ស្ថិតនៅភូមិ៣ សង្កាត់២ ក្រុងព្រះសីហនុ ខេត្តព្រះសីហនុ ដោយឃាត់ខ្លួនបានជនសង្ស័យចំនួន ០២នាក់

១.ឈ្មោះ ស៊ីម រី ភេទស្រី អាយុ ២៧ឆ្នាំ មុខរបរមិនពិតប្រាកដ មានស្រុកកំណើត ឃុំព្រែកពោធិ៍ ស្រុកស្រីសន្ធធរ ខេត្តកំពង់ចាម ទីលំនៅបច្ចុប្បន្នក្រុម១៧ ភូមិ៣ សង្កាត់៤ ក្រុងព្រះសីហនុ ខេត្តព្រះសីហនុ។

២.ឈ្មោះ ប៉ុល ពិសី ភេទស្រី អាយុ ២៦ឆ្នាំ មុខរបរលក់ដូរ មានស្រុកកំណើត ភូមិស្ងួនពេជ្រ ស្រុកស្ងួនពេជ្រ ខេត្តកណ្តាល ទីលំនៅបច្ចុប្បន្នភូមិទួលទទឹង ឃុំទទួលទទឹង ស្រុកព្រៃនប់ ខេត្តព្រះសីហនុ។

កម្លាំងបានចាប់យកវត្ថុតាង៖

១.ម្សៅក្រាមពណ៌សថ្លា ៣០កញ្ចប់ (ទម្ងន់ ២,៦១ក្រាមថ្លឹងទាំងកញ្ចប់)

២.លុយរៀល ៨០.០០០រៀល។

បច្ចុប្បន្នមន្ត្រីជំនាញកងរាជអាវុធហត្ថខេត្តកំពុងបន្តនីតិវិធី។