អហ.ខណ្ឌដូនពេញ៖ កម្លាំងកងរាជ​អាវុធហត្ថខណ្ឌដូនពេញ បានឃាត់ខ្លួនជនសង្ស័យម្នាក់​ លួច​កាច់កម៉ូតូ កាលពីវេលាម៉ោង​២១​និង១៥នាទី ថ្ងៃទី​៤ ខែកុម្ភៈ ឆ្នាំ​២០១៦ ។
ករណីនេះដែរ​បានកើតឡើងនៅចំណុច ផ្លូវ១៨៤កែងមុន្នីវង្ស សង្កាត់បឹងរាំង បង្កឡើងដោយជនសង្ស័យឈ្មោះ យ៉ុន​ វ៉ាន់នី​ ភេទប្រុស​ អាយុ​៣៤​ឆ្នាំ​ មុខរបរមិនពិតប្រាកដ​(មិនទាន់សួរនាំបាន ព្រោះជនសង្ស័យឋិតក្នុងស្ថានភាពបែកថ្នាំនៅឡើយ) ។​
បើតាមសម្តីប្រជាពលរដ្ឋ​ដែលឃើញហេតុការណ៍នោះ បានឲ្យដឹងថា នៅវេលាម៉ោងខាងលើ មានប្រជាពលរដ្ឋ រស់នៅ​ម្តុំផ្លូវ១៨៤ ឃើញជនសង្ស័យម្នាក់ ភេទប្រុស មានភិនភាគដូចខាងលើ បានដើរទៅដើរមកតាមបណ្តោយផ្លូវ១៨៤ពីលិចមកកើតគួរអោយសង្ស័យ​ ​។ ភ្លាមនោះកំលាំងល្បាត អហ បានចុះទៅដល់ក៏ឃើញជនសង្ស័យកំពុងបណ្តើរម៉ូតូ០១គ្រឿងម៉ាក SUZUKI VIVA ពណ៏ខ្មៅស្លាកលេខ ភ្នំពេញ1AD:1480 តាមបណ្តោយផ្លូវ១៨៤ពីកើតទៅលិច បន្ទាប់មកកំលាំងបានហៅជនសង្ស័យអោយឈប់ស្រាប់តែជនសង្ស័យបានផ្តួលម៉ូតូចោលហើយរត់គេចខ្លួនដល់ចំនុចផ្លូវ១៨៤កែងមុន្នីវង្សក៏ត្រូវបានកំលាំងជំនាញ់​ឃាត់ខ្លួនយកមកអហដូនពេញតែម្តង។
ក្រោយឃាត់ខ្លួន ជនសង្ស័យបានឆ្លើយថាខ្លួនបានលួចម៉ូតូពីម្តុំក្រោយវាំង​តែមិនចាំទីតាំងនោះទេ​ ។​ ​ឥឡូវនេះ​កំលាំង អហ បានទាក់ទងស្វែងរកម្ចាស់ម៉ូតូ ប៉ុន្តែរកមិនទាន់ឃើញ​នោះទេ​៕