អហ.ស្វាយរៀង​៖ កម្លាំងកងរាជ​អាវុធហត្ថ​ខេត្តស្វាយរៀង កាលពីថ្ងៃទី​៤ ខែកុម្ភៈ ឆ្នាំ​២០១៦ បានឃាត់ខ្លួនជនសង្ស័យមា្នកឈ្មោះ ជា ហេង ភេទប្រុសអាយុ ៣៣ ឆ្នាំមានទីលំនៅភូមិ ចំការឱឡឹក សង្កាត់កាកាប ខណ្ឌពោធិសែនជ័យ រាជធានីភ្នំពេញ ពីបទ​ពង្រាត់កូនក្រមុំ​គេ ។​
បើតាមមន្ត្រីកងរា​ជ​អាវុធហត្ថខេត្តស្វាយរៀង​បានឲ្យដឹងថា «ជនសង្ស័យខាងលើនេះ ត្រូវបាន អហ ខេត្តស្វាយរៀង​ធ្វើការឃាត់ខ្លួនកាលពីវេលាម៉ោង​៨​និង០០នាទី ថ្ងៃទី៤ ខែកុម្ភៈ ឆ្នាំ​២០១៦ ពីបទពង្រាត់កូនក្រមុំគេ ដែលមានសតិមិនគ្រប់គ្រាន់» ។​
ជនរងគ្រោះដែលត្រូវបាន​ជនសង្ស័យពង្រាត់នេះ មានឈ្មោះ កាន សុភ័ក្រ្ក ភេទស្រី អាយុ ២៨ ឆ្នាំ មាន ទីលំនៅ ភូមិចំការឱឡឹក សង្កាត់កាកាប ខណ្ឌពោធិសែនជ័យ រាជធានីភ្នំពេញ ដោយជនសង្ស័យបានយកនារីរងគ្រោះ​ មកលាក់ខ្លួននៅមូលដ្ឋានក្រុងបាវិតខេត្តស្វាយរៀង និងជំរិតទារប្រាក់​១៥០ដុល្លារពីឪពុកជនរងគ្រោះ។
ប្រភពមន្ត្រីខាងលើបានបន្តថា «ឪពុកជនរងគ្រោះបានសម្រួលដោយផ្ញើ៥០ដុល្លារសិន តាមវីងពេលនោះ ​ជនសង្ស័យក៌បានចេញដំណើរតាមរថយន្តក្រុងចេ
ញ ពីក្រុងបាវិត ទៅបើកប្រាក់ពីទីតាំង វីង នៅផ្សារក្រោលគោ ស្ថិតនៅ ភូមិធ្លក ឃុំក្រោលគោ ស្រុក ស្វាយជ្រំ មានចំងាយជាង ៦០ គីឡូពីក្រុងបាវិត ។
ពេលបើកប្រាក់រួចជនសង្ស័យក៌បានជិៈរថយន្តតាក់ស៊ីត្រឡប់មកក្រុងបាវិតវិញនៅវេលាម៉ោង ១៥-៣៥នាទី ត្រង់ចំនុចមុខចំណតរថយន្តផ្សារអន្តរៈជាតិ ស្ថិត
នៅភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង ត្រូវបានកំលាំងជំនាញឃាត់ខ្លួនតែម្តង ។»
បច្ចុប្បន្នជនសង្ស័យត្រូវបាន អហ បញ្ចូនបន្តដើម្បីចាត់ការតាមនិតិវិធី៕​