បន្ទាយមានជ័យ៖ ថ្ងៃទី០៤ ខែមេសា ឆ្នាំ២០១៨ នៅចំណុចភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត បានចុះប្រតិបត្តិការបង្រ្កាប ករណីជួញដូរសារធាតុញៀនដោយខុសច្បាប់ និងឃាត់ខ្លួនជនសង្ស័យម្នាក់ឈ្មោះ ស៊ឹម បូរី ភេទប្រុស អាយុ ២៦ឆ្នាំ មុខរបរមិនពិតប្រាកដ បច្ចុប្បន្នរស់នៅក្នុងបន្ទប់ជួល ស្ថិតនៅភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត។
កម្លាំងបានដកហូតវត្ថុតាងរួមមាន ៖
-គ្រឿងញៀនមេតំហ្វេតាមីនទឹកកក ចំនួន ០៤កូនថង់តូច ស្មើ ១៣.២៦ក្រាម
-ម្សៅក្រាមពណ៌ផ្កាឈូក ០១កូនថង់ ស្មើ ៤០.៩៧ក្រាម
-ទូរស័ព្ទចំនួន ០១គ្រឿង
-ស្លាកលេខម៉ូតូ ០១សន្លឹក
-ដាវសាំម៉ូរ៉ៃ ០១ដើម និងឧបករណ៍សម្រាប់ជាក់ និងថង់សម្រាប់ច្រកគ្រឿងញៀនមួយចំនួនទៀត ។
បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញកសាងសំណុះរឿងបញ្ជូលទៅសាលាដំបូងខេត្ត ដើម្បីចាត់ការតាមនីតិវិធី ។