អហ.កំពត៖ កម្លាំងកងរាជអាវុធហត្ថ​ខេត្តកំពត បានឃាត់ខ្លួនជនសង្ស័យម្នាក់តាមដីការ​បង្គាប់ឲ្យចាប់ខ្លួនរបស់សាលាដំបូងខេត្ត ពាក់ព័ន្ធថ្នាំញៀន​។​
ជនសង្ស័យដែលកម្លាំងជំនាញ ឃាត់ខ្លួនបានឈ្មោះ សុខ សារិន ភេទប្រុស អាយុ ២៦ឆ្នាំ មានទីលំនៅ នៅភូមិក្រាំង សង្កាត់ក្រាំងអំពិល ក្រុងកំពត ខេត្តកំពត មានមុខរបរទិញអេតចាយ ។​
យោងតាមមន្ត្រីកងរាជ​អាវុធហត្ថ​បានរាយការណ៍ឲ្យដឹងថា «កម្លាំងជំនាញ អហ បានឃាត់ខ្លួនជនសង្ស័យខាងលើ នៅចំណុច ភូមិកំពង់បាយខាងជើង សង្កាត់កំពង់បាយ ក្រុងកំពត »។​
កម្លាំងមានសមត្ថកិច្ចជំនាញបានបន្តថា «ក្រោយការឃាត់ខ្លួនជនសង្ស័យខាងលើ បានឆែករកឃើញ ថ្នាំញៀនម៉ាទឹកកក ១១កញ្ចប់​ តម្ងន់ ២.៩០ ក្រាម និងចាន់ដកសម្ភារៈមួយចំនួន មានទូរស័ព្ទដៃ ២គ្រឿង និង ម៉ូតូ​០១គ្រឿង​»៕