បន្ទាយមានជ័យ៖ នៅវេលាម៉ោង១៦ និង ០០នាទី ថ្ងៃពុធ ៤រោច ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី ០៤ មេសា ឆ្នាំ២០១៨ ចំណុចភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានចុះបង្រ្កាបករណីជួញដូរដោយខុសច្បាប់នូវសារធាតុញៀន ឃាត់ខ្លួនជនសង្ស័យម្នាក់ឈ្មោះ ស៊ីម បូរី ភេទប្រុស អាយុ ២៦ឆ្នាំ ជនជាតិ ខ្មែរ មុខរបរ រត់ម៉ូតូឌុប ទីលំនៅបន្ទប់ជួល ក្នុងភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

កម្លាំងបានចាប់យកសម្ភារៈវត្ថុតាងរួមមាន ៖

-គ្រឿងញៀនមេតំហ្វេតាមីន ទឹកកក ចំនួន ០៤ ថង់កិប ទម្ងន់ ១៣,២៦ ក្រាម

-ដុំម៉្សៅក្រាមពណ៌ផ្កាឈូកចំនួន ០១កូនថង់ ទម្ងន់ ៤០,៩៧ ក្រាម

-ទូរស័ព្ទចំនួន ០១គ្រឿង

-ស្លាកលេខម៉ូតូចំនួន ០១សន្លឹក

-ដាវសាំម៉ូរ៉ៃចំនួន ០១ដើម

-ឧបករណ៍ជក់គ្រឿងញៀនមួយចំនួន និងកូនថង់សម្រាប់ច្រកគ្រឿងញៀនមួយចំនួនទៀត។

ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្ត បញ្ជូនទៅសាលាដំបូងខេត្ត ដើម្បីបន្តនីតិវិធី។