ស្វាយរៀង៖ នៅវេលាម៉ោង ១៥ និង៣០នាទីថ្ងៃទី០៧ ខែមេសា ឆ្នាំ២០១៨  ក្រោមបញ្ជាផ្ទាល់លោកឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង កម្លាំងកងរាជអាវុធហត្ថក្រុងបាវិត សហការជាមួយកម្លាំងមន្ទីរយុត្តិធម៌ដឹកនាំដោយលោកវរសេនីយ៍ឯក ស្រី វុត្ថា មេបញ្ជាការរងទទួលផែននគរបាលយុត្តិធម៌ ចុះបង្រ្កាបករណីរក្សាទុក ឬជួញដូរដោយខុសច្បាប់នូវសារធាតុញៀន នៅចំណុចភូមិបាវិតកណ្តាល សង្កាត់បាវិត ក្រុងបាវិត ដោយឃាត់ខ្លួនជនសង្ស័យម្នាក់ឈ្មោះ ចាន់ ហុក ភេទប្រុស អាយុ ២៦ ឆ្នាំ មុខរបរមិនពិតប្រាកដ មានទីលំនៅបច្ចុប្បន្ន ភូមិរកាខ្នុល ឃុំរកាខ្នុល ស្រុកក្រូចឆ្មា ខេត្តកំពង់ចាម ។

កម្លាំងបានចប់យកវត្ថុតាងរួមមាន៖

១.ម្សៅក្រាមពណ៌សថ្លា ចំនួន ០៨ កញ្ចប់មានទម្ងន់ ៥១,០១ ក្រាម

២.កាបូបដៃចំនួន ០១

៣.កាបូបស្ពាយចំនួន ០១

៤.ប្រាក់រៀលចំនួន ១៥០.០០០ រៀល

៥.ទូរស័ព្ទចំនួន ០២គ្រឿង

បច្ចុប្បន្នជនសង្ស័យត្រូវបានកំលាំងជំនាញ កសាងសំណុំរឿងបញ្ជូនទៅសាលាដំបូងខេត្ត។