កណ្តាល៖ នៅរសៀល ថ្ងៃពុធ ១១រោច ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១១ ខែមេសា ឆ្នាំ២០១៨ នៅបញ្ជាការដ្ឋានកងរាជអាវុធហត្ថខេត្តកណ្តាល លោកឧត្តមសេនីយ៍ត្រី សំ តុលា មេបញ្ជាការកងរាជអាវុធហត្ថខេត្តកណ្តាល រួមជាមួយមន្ត្រីក្រោមឱវាទ បាននិមន្តសម្តេចព្រះសង្ឃចំនួន៧អង្គ ព្រះពោធិលឹម អ៊ុំ ហេង ស្រោចទឹកប្រោះព្រំលើករាសី សេរីសួស្តី និងសុំសេចក្តីសុខចំរើន ដល់នាយ នាយរងកងរាជអាវុធហត្ថខេត្តទាំងមូល ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានចូលមកដល់នាពេលខាងមុខនេះ។