​អហ.បន្ទាយមានជ័យ៖ក្រុមចោរឆក់យ៉ាងសកម្ម២នាក់បានធ្វើសកម្មភាពឆក់ទ្រព្យសម្បត្តិជនបរទេសនិងប្រជាពលរដ្ឋក្នុងក្រុងប៉ោយប៉ែតកន្លងមកត្រូវបានកងរាជអាវុធហត្ថក្រុងប៉ោយប៉ែតធ្វើការឃាត់ខ្លួននៅវេលាម៉ោង៧យប់ថ្ងៃទី១៦ ខែកុម្ភះ ឆ្នាំ២០១៦ ជិតការាសសាំងដើមពុទ្រា ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ លោក ជា ដា មេបញ្ជាការមូលដ្ឋានក្រុងប៉ោយប៉ែតបានឲ្យដឹងថាជនសង្ស័យទាំង២នាក់១/ឈ្មោះរ៉ាប៊ុន សារាក់ ភេទប្រុស អាយុ១៦ឆ្នាំ ២/ឈ្មោះ ពេជ្រ ពីចិត្ត ភេទប្រុស អាយុ១៥ឆ្នាំ ទាំង២នាក់រស់នៅក្រុងប៉ោយប៉ែត ខេត្តបន្ទាយមានជ័យ ។លោក ជាដាបានបញ្ជាក់ទៀតថាមុនពេលកើតហេតុមានក្រុមក្មេងចោរឆក់យ៉ាងសកម្មចំនួន៦នាក់ជិះម៉ូតូ២គ្រឿងចេញឆក់ទូរស័ព្ទអ្នកដំណើរបានចំនួន២គ្រឿងក្រោយពីធ្វើសកម្មភាពរួចជិះម៉ូតូគេចបាត់អស់។លោក ជា ដា បានបញ្ជាក់ទៀតថាដោយមានពាក្យបណ្តឹងរបស់ជនបរទេសនិងប្រជាពលរដ្ឋជាញឹកញាប់ទើបលោក ជា ដា ដឹកនាំកំលាំងចុះកណត់មុខសញ្ញាមេខ្លោងទើបឈានដល់ចាប់បានជនសង្ស័យចំនួន២នាក់រួចបញ្ជូនមកបញ្ជាការរដ្ឋានកងរាជអាវុធហត្ថខេត្តដើម្បីធ្វើការសាកសួរ។នៅមុខអាវុធហត្ថមេខ្លោងឆក់ទូរស័ព្ទទាំង២នាក់បានឆ្លើយសារភាពថាខ្លួនទាំង២នាក់និងកប្សពួក៤នាក់ទៀតពិតជាបានធ្វើសកម្មភាពឆក់ទូរស័ព្ទពីជនបរទេសពិតប្រាកដមែន ក្រោយពីគេចខ្លួនបានជាច្រើនថ្ងៃត្រូវបានកងរាជអាវុធហត្ថចាប់បានតែម្តង។ដោយមានចំលើយនិងផស្តុតាងជនសង្ស័យទាំង២នាក់ត្រូវបានអាវុធហត្ថកសាងសំនុំរឿងបញ្ជូនទៅតុលាការដើម្បីដាក់ទោសទៅតាមផ្លូវច្បាប់ ចំណែកជនសង្ស័យ៤នាក់ដែលបានគេចខ្លួននោះកម្លាំងអាវុធហត្ថកំពុងស្វែងរកចាប់ខ្លួនបន្តទៀត៕​