កណ្តាល៖ នៅវេលាម៉ោង១​០ និង០០នាទី ថ្ងៃទី១៦ ខែមេសា ឆ្នាំ២០១៨ មានករណីធ្វើឲ្យខូចខាតដោយចេតនាមានស្ថានទម្ងន់ទោស (ដុតឈើកៅស៊ូក្នុងរោងចក្រ) មួយកើតឡើងនៅចំណុចក្នុងរោងចក្រ “ប្រាយវ៉េរ”​ ផលិតឈើកៅស៊ូ​) ស្ថិតក្នុងភូមិទឹកជា​ ឃុំពើក ស្រុកអង្គស្នួល ខេត្តកណ្ដាល។ បង្កដោយជនសង្ស័យឈ្មោះ​ កែវ​ រតនៈ ហៅ ចែហ្គិច​ ភេទស្រី​ អាយុ ៣៨ឆ្នាំ ជនជាតិខ្មែរ (ត្រូវជាប្រពន្ធ) បានបើករថយន្តមួយគ្រឿង ម៉ាកលុចសីស ៥៧០​ ស៊េរី​ឆ្នាំ២០​១៧​ មកក្នុងរោងចក្រខាងលើ ជារបស់ក្រុមហ៊ុនដែលមានម្ចាស់ឈ្មោះ ហុង មុងហេង ភេទប្រុស អាយុ៥៨ ឆ្នាំ ស្នាក់នៅសំណង់១២ សង្កាត់ទឹកថ្លា ខណ្ឌសែនសុខ រាជធានីភ្នំពេញ (ត្រូវជាប្តី) ហើយធ្វើកម្មភាពយកសាំងមកចាក់រួចដុតបង្កជាអគ្គីភ័យ និងបានសម្លុតគំរាមមិនឲ្យអ្នកណាចូលពន្លត់ឡើយ បណ្តាលឲ្យឆេះខូចខាតអស់ឈើមួយចំនួន។

-បន្ទាប់ពីធ្វើសកម្មភាពរួច ជនសង្ស័យបានជិះរថយន្តចេញបាត់។

-ពេលអគ្គីភ័យកំពុងឆាបឆេះកម្លាំងអន្តរាគមន៍របស់​មូលដ្ឋានកងរាជអាវុធហត្ថស្រុកអង្គស្នួល សហការជាមួយកំលាំងនគរបាលស្រុក ប៉ុស្ដិ៍ពើក​ ប៉ុស្ដិ៍ឆក់ឈើនាង​ ប្រជាការពារទាំង០២ឃុំ នឹងប្រជាពលរដ្ឋបានជួយពន្លត់ភ្លើងឆេះ នៅចំណុចខាងលើ ដោយប្រើរថយន្តពន្លត់អគ្គីភ័យរបស់ទ័ពឆ័ត្រយោង​៩១១​ អស់ចំនួន០២គ្រឿង និងរបស់កងពលតូចលេខ៧០ ​ចំនួន០៦គ្រឿង បានរលត់ជាស្ថាពរ ។

សម្ភារៈខូចខាតរួមមាន៖

-ឃ្លាំងទំហំ ៣០×៦៥ ម៉ែត្រ ស្មើនឹង ១៩៨០ការ៉េ មានដាក់ឈើកៅស៊ូពេញឃ្លាំង ខូចខាតឈើកៅស៊ូចំនួន​ ២០គូប។

បច្ចុប្បន្នជនសង្ស័យត្រូវបានកម្លាំងកងរាជអាវុធហត្ថខេត្តកណ្តាល សហការណ៍ជាមួយកម្លាំងកងរាជអាវុធហត្ថរាជធានីភ្នំពេញចាប់ឃាត់ខ្លួន និងបានកសាងសំណុំរឿងបញ្ជូនទៅសាលាដំបូងខេត្តតាមនីតិវិធី។