កំពង់ឆ្នាំ៖  នៅវេលាម៉ោង ០៨និង ២០នាទី ថ្ងៃព្រហស្បតិ៍ ៥កើត ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៩ ខែមេសា ឆ្នាំ២០១៨ កម្លាំងមូលដ្ឋានកងរាជអាវុធហត្ថស្រុកកំពង់ត្រឡាចដឹកនាំដោយលោកវរសេនីយ៍ត្រី រស់ វុទ្ធា មេបញ្ជាការមូលដ្ឋានកងរាជអាវុធហត្ថស្រុកបានឃាត់ខ្លួនជនសង្ស័យចំនួន ០២នាក់៖

១-ឈ្មោះ អេង គង្គា ភេទប្រុស អាយុ ២៥ឆ្នាំ

២-ឈ្មោះ ស្រី ស្រស់ ភេទប្រុស អាយុ ២៤ឆ្នាំ អ្នកទាំងពីររស់នៅភូមិស្នាយ ឃុំតាជេស ស្រុកកំពង់ត្រឡាច ខេត្តកំពង់ឆ្នាំង នៅចំណុចក្រោមផ្ទះឈ្មោះ ឈិន អន ភេទប្រុស នៅភូមិឃុំខាងលើ និងដកហូតម៉ូតូជនសង្ស័យ ០១គ្រឿងម៉ាកMSX ពណ៌ ស ស្លាកលេខ ក.ឆ 1F.៦០១៦ នៅចំណុចក្រោមផ្ទះឈ្មោះ ស៊ុំ ញ៉ ភេទប្រុស (ឪពុកជនសង្ស័យ) ស្ថិតនៅភូមិឃុំខាងលើពីបទហឹង្សារដោយចេតនាបណ្តាលឱ្យរងរបួសធ្ងន់កាលពីវេលាម៉ោងប្រហែលជា ១៦ នឹង ២០នាទីនៅថ្ងៃទី១៥ ខែមេសា ឆ្នាំ២០១៨ នៅចំណុចវាលស្រែក្បែផ្ទះជនរងគ្រោះស្ថិតនៅក្នុងភូមិសំព័រ ឃុំតាជេសជនរងគ្រោះឈ្មោះ ឈឺន នីន ភេទប្រុស អាយុ២២ឆ្នាំ រស់នៅភូមិរស់នៅភូមិឃុំកើតហេតុខាងលើបានស្លាប់នៅមន្ទីពេទ្យកាលថ្ងៃទី១៩ ខែមេសា ឆ្នាំ២០១៨ មូលហេតុទំនាស់គ្នានៅក្នុងពេលលេងរាំវង់ក្នុងកម្មវិធីបុណ្យចូលឆ្នាំថ្មីនៅចំណុចវត្តសំព័រ ឃុំតាជេស។

បច្ចុប្បន្នជនសង្ស័យ រួមនិងវត្ថុតាង ត្រូវបានមន្ត្រីជំនាញកសាងសំណុំរឿង បញ្ជូនទៅសាលាដំបូងខេត្តដើម្បីបន្តតាមនីតិវិធី។