កោះកុង៖ នៅវេលាម៉ោង ១៤ និង១៥ នាទី ថ្ងៃទី១៩ ខែមេសា ឆ្នាំ២០១៨ កម្លាំងកងរាជអាវុធហត្ថខេត្តកោះកុង សហការជាមួយកម្លាំងមូលដ្ឋានកងរាជអាវុធហត្ថស្រុកគីរីសាគរ
ដឹកនាំដោយលោកវរសេនីយ៍ត្រី នួន វុត្ថា មេបញ្ជាការរងកងរាជអាវុធហត្ថខេត្ត បានចុះបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំណុចក្នុងផ្ទះខារ៉ាអូខេ ម្ចាស់ឈ្មោះ ហីម ហែម ភេទប្រុស អាយុ ៤៩ ឆ្នាំ មុខរបរគ្រូបង្រៀន នឹងប្រពន្ធឈ្មោះ ជូន សុខន អាយុ ៣៥ឆ្នាំ មុខរបរម្ចាស់ខារ៉ាអូខេស្ថិតនៅភូមិកោះស្តេច ឃុំកោះស្តេច ស្រុកគីរីសាគរ ខេត្តកោះកុង។ កម្លាំងបានឃាត់ខ្លួនជនសង្ស័យចំនួន ០៣ នាក់៖
១.ឈ្មោះ ប៉ាន់ ដា ភេទស្រី អាយុ ២៥ឆ្នាំ ជនជាតិខ្មែរ មុខរបរបុគ្គលិកខារ៉ាអូខេ ស្នាក់នៅក្នុងផ្ទះខារ៉ាអូខេ
២.ឈ្មោះ ឡេង ប៊ុនសាក់ ភេទប្រុស អាយុ ២៤ ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិច្រកខ្លី ឃុំមាសខាងលិច ស្រុកបន្ទាយមានជ័យ ខេត្តកំពត
៣.ឈ្មោះ ផល ម៉ាប់ ភេទស្រី អាយុ ៣០ឆ្នាំ ជនជាតិខ្មែរ មុខរបរបុគ្គលិកខារ៉ាអូខេ ស្នាក់នៅក្នុងផ្ទះខារ៉ាអូខេ
កម្លាំងបានដកហូតវត្ថុតាងមានថ្នាំញៀនប្រភេទមេតំហ្វេតាមីន(ម៉ាទឹកកក) ចំនួន១១ កំណាត់, ទូរស័ព្ទចំនួន ០២ គ្រឿង, ប្រាក់រៀល ២១.០០០ រៀល និងសម្ភារៈសម្រាប់វេចខ្ចប់ និងសេពគ្រឿងញៀនមួយចំនួនទៀត បច្ចុប្បន្នមន្ត្រីជំនាញបានកសាងសំណុំរឿងបញ្ជូនទៅសាលាដំបូងខេត្ត៕
