សៀមរាប៖ នៅវេលាម៉ោង ១៤ និង ៣០នាទី ថ្ងៃទី២១ ខែមេសា ឆ្នាំ២០១៨ កម្លាំងកងរាជអាវុធហត្ថខេត្តសៀមរាប បានចុះបង្ក្រាបករណីរក្សាទុក ដឹកជញ្ជូនឬជួញដូរដោយខុសច្បាប់នូវសារធាតុញៀន នៅចំណុចភូមិភ្នំក្រោម សង្កាត់សៀមរាប ក្រុងសៀមរាប ខេត្តសៀមរាប ។ ក្នុងនោះឃាត់ខ្លួនជនសង្ស័យចំនួន ០៥នាក់(ស្រី០២នាក់) និងចាប់យកវត្ថុតាងម្សៅក្រាម (ម៉ាទឹកកក) ចំនួន០១កញ្ចប់ ទម្ងន់ ០,១៣ក្រាម ទូរស័ព្ទ ០៦គ្រឿង និងឧបករណ៍សេពគ្រឿងញៀនមួយចំនួនទៀត។

បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញកងរាជអាវុធហត្ថ ខេត្តកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមនីតិវិធី។