សៀមរាប៖ នៅវេលាម៉ោង ៤ ទៀបភ្លឺថ្ងៃទី២៤ ខែមេសា ឆ្នាំ២០១៨ កម្លាំងកងរាជអាវុធហត្ថខេត្តសៀមរាប បានចុះបង្ក្រាបករណី រក្សាទុក ដឹកជញ្ជូនឬជួញដូរដោយខុសច្បាប់នូវសារធាតុញៀន នៅចំណុចភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប ដោយឃាត់ខ្លួនជនសង្ស័យចំនួន ០៦នាក់ (ស្រី០៣នាក់) និងចាប់យកវត្ថុតាងម្សៅគ្រើមម៉ាទឹកកកចំនួន ១២កញ្ចប់ ទម្ងន់ ២៦,០៧ក្រាម ជញ្ជីងថ្លឹងចំនួន ០១គ្រឿង និងទូរស័ព្ទចំនួន ០៩ គ្រឿង បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញកងរាជអាវុធហត្ថខេត្តកសាងសំណុំរឿង បញ្ជូនទៅសាលាដំបូង ។