ភ្នំពេញ៖ នៅវេលាម៉ោង ២២:៣០នាទីថ្ងៃចន្ទ ១រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣០ ខែមេសា ឆ្នាំ២០១៨ នៅចំនុចលើផ្លូវបេតុងក្នុងភូមិ៣ សង្កាត់ស្រះចកខណ្ឌដូនពេញ រាជធានីភ្នំពេញ កម្លាំងមូលដ្ឋានកងរាជអាវុធហត្ថខណ្ឌដូនពេញសហការជាមួយការិយាល័យបទល្មើសគ្រឿងញៀន កងរាជអាវុធហត្ថរាជធានីភ្នំពេញ បានធ្វើការបង្ក្រាប និងឃាត់ខ្លួនជនសង្ស័យចំនួន៤នាក់ពាក់ព័ន្ធនិងករណីគ្រឿងញៀន៖

១-ឈ្មោះ លី សុម៉ង ហៅ អូនឬកុយ ភេទប្រុស អាយុ ២០ឆ្នាំ មុខរបរកម្មកសំណង់ ស្នាក់នៅផ្ទះមិនចាំលេខភូមិសាមគ្គី៥ សង្កាត់ត្រពាំងក្រសាំង ខណ្ឌពោធិសែនជយ័។

២-ឈ្មោះ គឹម ស្រីទូច ភេទស្រីអាយុ ១៧ឆ្នាំ មុខរបរគ្មាន ស្នាក់នៅផ្ទះមិនចាំលេខភូមិសាមគ្គី៥ សង្កាត់ត្រពាំងប្រសាទ ខណ្ឌពោធិសែនជយ័។

៣-ឈ្មោះ សុខ រដ្ឋា ហៅអូន ភេទប្រុស អាយុ ២៦ឆ្នាំ មុខរបរបើកបររថយន្ត ស្នាក់នៅផ្ទះលេខ ២៤E2 ផ្លូវ៥៧៨ ក្រុម៥៨ សង្កាត់បឹងកក់២ ខណ្ឌទួលគោក រាជធានីភ្នំពេញ។

៤​- ឈ្មោះ ព្រុំ សង្ហា ភេទប្រុស អាយុ ២៣ឆ្នាំ មុខរបរព្រូរថយន្តក្រុមហ៊ុនសូគីម៉ិច ស្នាក់នៅផ្ទះជួលផ្លូវមិនចាំលេខ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

វត្ថុតាងចាប់យករួមមាន៖

១-ម្សៅក្រាមសថ្លាចំនួន០១ កញ្ចប់តូច

២- កាបូបដៃ០៣

៣- ទួរស័ព្ទដៃចំនួន ០៤គ្រឿង

៤ – ប្រាក់រៀលចំនួន ៦០.០០០៛។

៥ -អាយផេតចំនួន ០១គ្រឿង

៦-ម៉ូតូចំនួន០៤គ្រឿងៈ

ជនសង្ស័យ និងវត្ថុតាងត្រូវបានមន្ត្រីជំនាញ កងរាជអាវុធហត្ថរាជធានីភ្នំពេញ កំពុងកសាងសំណុំរឿងដើម្បីចាត់ការបន្ត។