កណ្តាល៖ នៅវេលាម៉ោង ០៤:៣០ នាទី ថ្ងៃទី២៩ ខែមេសា ឆ្នាំ២០១៨ មានករណីលួច មួយកើតឡើងនៅចំណុចក្នុងការដ្ឋានសំណង់សួនច្បារមាត់ទន្លេ ស្ថិតក្នុងភូមិតាខ្មៅ សង្កាត់តាខ្មៅ ក្រុងតាខ្មៅ ដោយជនសង្ស័យមានចំនួន ០២នាក់បានធ្វើសកម្មភាពចូលលួចសម្ភារៈគ្រឿងសំណង់នៅក្នុងការដ្ឋានខាងលើ ដែលជារបស់ជនរងគ្រោះឈ្មោះ សុខ កែវហាវ ភេទប្រុស អាយុ៣៩ឆ្នាំ ជនជាតិខ្មែរ ជាមេការការដ្ឋានសំណង់ខាងលើ មានទីលំនៅបច្ចុប្បន្នភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល ក្រោយធ្វើសកម្មភាពលួចជនរងគ្រោះបានប្តឹងមកកម្លាំងអាវុធហត្ថ និងត្រូវឃាត់ខ្លួនបានភ្លាមៗផងដែរ។

១.ឈ្មោះ ជៀប ដូច ភេទប្រុស អាយុ៣១ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិតាខ្មៅ៣ សង្កាត់តាខ្មៅ ក្រុងតាខ្មៅ។

២.ឈ្មោះ សុខ ហេង ភេទប្រុស អាយុ១៨ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ។

កម្លាំងបានចាប់យកត្ថុតាងរួមមាន៖

-ដែកបំពង់ទីបប្រវែងជាងមួយម៉ែត្រចំនួន០៥ដើម។

-ជើងទ្រ អន្ទារចំនួន១៥ដើម

-ដង្កាប់សំរាប់កាត់ដែកចំនួន០១

-ដែកសសៃសំរាប់ទាញខ្សែភ្លើងចំនួន០១កំណាត់។

-ផ្លែរណាចំនួន០១ និងកំទេចកំទីដែកមួយចំនួនទៀត។

បច្ចុប្បន្នជនសង្ស័យជំនាញកសាងសំណុំរឿងបញ្ជូនទៅសាលាដំបូងខេត្តតាមនីតិវិធី។