ព្រៃវែង៖ ដោយមានបញ្ជាផ្ទាល់ពីលោកឧត្តមសេនីយ៍ត្រី ឈួន គឹមសាន មេបញ្ជាការមេបញ្ជាការកងរាជអាវុធហត្ថខេត្តព្រៃវែង កម្លាំងមន្ទីរយុត្តិធម៌កងរាជអាវុធហត្ថខេត្ត សហការកម្លាំងសហការជាមួយកម្លាំងមូលដ្ឋានកងរាជអាវុធហត្ថស្រុកពាមជរ បានចុះបង្ក្រាបបានករណីគ្រឿងញៀន នៅថ្ងៃទី០១ ខែឧសភា ឆ្នាំ២០១៨ ចំណុចផ្សារស្រុកពាមជរ ស្ថិតក្នុងភូមិបង្អែក ឃុំស្វាយភ្លោះ ស្រុកពាមជរ ខេត្តព្រៃវែង ដោយបានឃាត់ខ្លួនជនសង្ស័យម្នាក់ឈ្មោះ ង្វៀង យ៉ាំងជី ភេទប្រុស អាយុ ២១ឆ្នាំ រស់នៅភូមិបង្អែក ឃុំស្វាយភ្លោះ ស្រុកពាមជរ ខេត្តព្រៃវែង និងដកហូតវត្ថុតាងម្សៅក្រាមពណ៌សចំនួន ០៣កញ្ចប់ ទម្ងន់ ១,៥២ ក្រាម, ទូរស័ព្ទចំនួន ២ គ្រឿង, សំបកថង់សំរាប់ច្រក និងសម្ភារៈសម្រាប់សេពគ្រឿងញៀនមួយចំនួនទៀត។

បច្ចុប្បន្នជនសង្ស័យរួមនឹងវត្ថុតាង ត្រូវបានមន្ត្រីជំនាញកងរាជអាវុធហត្ថកសាងសំណុំរឿងបញ្ជូនទៅសាលាដំបូងខេត្ត។