ព្រះសីហនុ៖ នៅវេលាម៉ោង ០១ និង២៥ នាទីរំលងអធ្រាត្រឈានចូលថ្ងៃទី០៩ ខែឧសភា ឆ្នាំ២០១៨ កម្លាំងការិយាល័យជំនាញកងរាជអាវុធហត្ថខេត្តព្រះសីហនុ បានចុះបង្រ្កាបករណីជួញដូរគ្រឿងញៀន នៅចំណុចក្រុម១៤ ភូមិ០៤ សង្កាត់០៤ ក្រុងព្រះសីហនុ ដោយឃាត់ខ្លួនជនសង្ស័យចំនួន ០៥នាក់៖

១.ឈ្មោះ ណាំ វ៉ាន់រ័ត្ន ភេទប្រុស អាយុ ២៧ឆ្នាំ មុខរបរមិនពិតប្រាកដ។

២.ឈ្មោះ គឹម ប៊ុនធឿន ភេទប្រុស អាយុ ៣៨ឆ្នាំ មុខរបរមិនពិតប្រាកដ។

៣.ឈ្មោះ គង់ វ៉ាន់ឌឿន ភេទប្រុស អាយុ ២២ឆ្នាំ មុខរបរបុគ្គលិកស៊ីផារ៉ូ។

៤.ឈ្មោះ ភ័ក្រ តុលា ភេទប្រុស អាយុ ២៤ឆ្នាំ មុខរបរកម្មករ។

៥.ឈ្មោះឈឿន រស្មី ភេទស្រី អាយុ ១៩ឆ្នាំ មុខរបរកម្មការីរោងចក្រ។

កម្លាំងបានដកហូតវត្ថុតាងរួមមាន៖

១.ម្សៅក្រាមសថ្លាចំនួន ០៩កញ្ចប់តូច (ថ្លឹងទាំងសម្បក ១,៧៧ក្រាម)

២.ផ្លាកលេខម៉ូតូចំនួន ០១ (ភ្នំពេញ 1F7335)

៣.ទូរស័ព្ទចំនួន ០៣គ្រឿង រួមនិងសម្ភារៈសម្រាប់វេចខ្ជប់នឹងសេពគ្រឿងញៀនមួយចំនួនទៀត។

បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្តកំពុងបន្តនីតិវិធី។