បាត់ដំបង៖ ថ្ងៃពុធ ១០រោច ខែពិសាខ ឆ្នាំច សំរិទ្ធិស័ក ព.ស ២៥៦២ ត្រូវនឹងថ្ងៃទី ០៩ ខែ ឧសភា ឆ្នាំ ២០១៨ នៅបញ្ជាការដ្ឋានកងរាជអាវុធហត្ថខេត្តបាត់ដំបង បានរៀបចំកម្លាំងសំរាប់ត្រៀមអន្តរាគមន៍ក្នុងឱកាស យុទ្ធនាការឃោសនាបោះឆ្នោតជ្រើសរើសតំណាងរាស្រ្ត អណត្តិទី៦ នាពេលខាងមុខនេះ ។
ក្នុងពិធីនោះដែរ លោកមេបញ្ជាការ មាស សុវណ្ណ ក៏បានចែកនូវអំណោយអាវភ្លៀង ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រិទ្ធបណ្ឌិត ប៊ុន រ៉ានី ហ៊ុន សែន ដែលជាការដឹងសុខទុក្ខរបស់កងទ័ព ទាំងអស់គឺផ្សាភ្ជាប់ជាមួយសុខទុក្ខរបស់សម្តេចទាំងពីរ ហើយសម្តេចទាំងពីរក៏តែងតែបានគិតគួរជានិច្ចដល់សុខទុក្ខរបស់កងកំលាំងទាំងអស់ដែលបំពេញតួនាទីការពារសន្តិសុខ សុវត្ថិភាពជូនប្រជាពលរដ្ឋ និងសង្គមជាតិ ៕
