សូមថ្វាយព្រះពរ
ព្រះករុណាព្រះបាទ សម្តេចព្រះបរមនាថ នរោត្តម សីហមុនី
ព្រះមហាក្សត្រនៃព្រះរាជាណាចក្រកម្ពុជា
ក្នុងព្រះរាជពិធីបុណ្យចម្រើនព្រះជន្មគម្រប់ ៦៥ យាងចូល ៦៦ ព្រះវស្សា
ទួលព្រះបង្គំយើងខ្ញុំទាំងអស់ សូមព្រះបរមរាជានុញ្ញាតចូលរួម សម្ដែងនូវអំណរសាទររំភើប
សប្បាយរីករាយជាអនេកប្បការ ប្រកបដោយស្វាមីភក្តិដ៏ជ្រាលជ្រៅបំផុត និងសូម
ក្រាបបង្គំទូលថ្វាយព្រះពរជ័យ សូមព្រះអង្គទ្រង់មានព្រះកាយពលមាំមួន ព្រះរាជសុខភាព
ល្អបរិបូរណ៍ ព្រះបញ្ញាញាណវាងវៃ ព្រះជន្មាយុយឺនយូរជាងរយព្រះវស្សាជានិច្ចនិរន្តរ៍តរៀងទៅ។
ទូលព្រះបង្គំយើងខ្ញុំទាំងអស់ សូមលើកហត្ថឧទ្ទិសបួងសួងដល់គុណបុណ្យព្រះរតនត្រ័យ
វត្ថុស័ក្តិសិទ្ធិក្នុងលោកមានទេវតាថែរក្សាព្រះមហាសេ្វតច្ឆ័ត្រ និងព្រះបារមីនៃអតីតព្រះមហាក្សត្រ
ព្រះមហាក្សត្រីយានីខ្មែរគ្រប់ព្រះអង្គជួយតាមបីបាច់ថែរក្សា និងប្រោះព្រំ
ព្រះសព្ទសាធុការពរសិរីសួស្តីថ្វាយព្រះករុណាថ្លៃវិសេស ជាទីសក្ការៈដ៏ខ្ពង់ខ្ពស់ ដើម្បីព្រះអង្គ
គង់ប្រថាប់នៅក្នុងព្រះសិរីរាជសម្បត្តិជាម្លប់ដ៏ត្រជាក់ត្រជុំ និងសេចក្តីសុខក្សេមក្សន្ត
ដល់ប្រជារាស្រ្តទូទាំងព្រះរាជាណាចក្រកម្ពុជាតរៀងទៅ។
ក្រាបបង្គំទូលថ្វាយពី
នាយឧត្តមសេនីយ៍ សៅ សុខា
អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស
និងលោកជំទាវ ព្រមទាំងនាយទាហាន នាយទាហានរងនៃកងរាជអាវុធហត្ថទាំងអស់។