សៀមរាប៖ កម្លាំងមូលដ្ឋានកងរាជអាវុធហត្ថក្រុងសៀមរាប ដឹកនាំដោយលោកវរសេនីយ៍ទោ ប្រាក់ វណ្ណៈ មេបញ្ជាការមូលដ្ឋានកងរាជអាវុធហត្ថក្រុងសៀមរាប បានចុះបង្រ្កាបករណី រក្សាទុកដឹកជញ្ជូនឬជួញដូរដោយខុសច្បាប់នូវសារធាតុញៀន នៅវេលាម៉ោង ១៤ និង ៣០នាទី ថ្ងៃសៅរ៍ ១៣រោច ខែពិសាខ ឆ្នាំច សំរឹទ្ធិស័ក ព.ស. ២៥៦១២ ត្រូវនឹងថ្ងៃទី១២ ខែឧសភា ឆ្នាំ២០១៨  នៅចំណុចលើផ្លូវគ្រួសក្រហមស្ថិតក្នុងភូមិកន្រ្តក  សង្កាត់ស្វាយដង្គំ ក្រុងសៀមរាប ខេត្តសៀមរាប ដោយឃាត់ខ្លួនជនសង្ស័យចំនួន ០៣នាក់៖

១.ឈ្មោះ សុក សាក់ ភេទប្រុស អាយុ ២៥ឆ្នាំ មុខរបរធ្វើសំណង់ រស់នៅភូមិកន្រ្តក សង្កាត់ស្វាយដង្គំ ក្រុងសៀមរាប ខេត្តសៀមរាប។

២.ឈ្មោះ ម៉ៅ ម៉ាន់ ភេទប្រុស អាយុ ២២ឆ្នាំ រស់នៅភូមិតាគង់ សង្កាត់សំបួរ ក្រុងសៀមរាប។

៣.ឈ្មោះ កែវ រតនា ភេទប្រុស អាយុ ៣១ឆ្នាំ មុខរបរធ្វើការនៅសណ្ឋាគា រស់នៅភូមិសំបួរ សង្កាត់សំបួរ ក្រុងសៀមរាប ខេត្តសៀមរាប។

កម្លាំងបានដកហូតវត្ថុតាងរួមមាន៖

.ម្សៅគ្រើមពណ៌សថ្លា (ម៉ាទឹកកក)ចំនួន ០១កញ្ចប់ ទម្ងន់ ០,៣៦ក្រាម។

.ទូរស័ព្ទចំនួន ០៣គ្រឿង។

បច្ចុប្បន្ន ជនសង្ស័យ និងវត្ថុតាងត្រូវបានមន្ត្រីជំនាញកងរាជអាវុធហត្ថកំពុងកសាងសំណុំរឿងតាមនីតិវិធី ។