បាត់ដំបង៖ អនុវត្តយ៉ាងម៉ឺងម៉ាត់នូវបទបញ្ជារបស់លោកនាយឧត្តមសេនីយ៏ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រេទស អំពីភារកិច្ចជាប្រចាំគឺបង្ការ បង្រ្កាប និងសង្រ្គោះ ពិសេសយកចិត្តទុកដាក់លើបញ្ហាភូមិ/ឃុំ មានសុវត្ថិភាព ជូនប្រជាពលរដ្ឋ ជាក់ស្តែងក្រោមបញ្ជាផ្ទាល់ពី លោកឧត្តមសេនីយ៍ត្រី មាស សុវណ្ណ មេបញ្ជាការកងរាជអាវុធហត្ថខេត្តបាត់ដំបង នៅម៉ោង ០៩：២៥ នាទី ថ្ងៃទី១៩ ខែឧសភា ឆ្នាំ ២០១៨ នៅចំណុចភូមិវត្តរំដួល សង្កាត់វត្តលៀប ក្រុងបាត់ដំបង កម្លាំងការិយាល័យជំនាញ បានធ្វើការឃាត់ខ្លួនជនសង្ស័យម្នាក់ពាក់ព័ន្ធនិងករណីគ្រឿងញៀន ជនសង្ស័យឈ្មោះ ណូ រ៉នី ភេទប្រុស អាយុ ២៧ ឆ្នាំ មុខរបរមិនពិតប្រាកដ ទីលំនៅភូមិដាំស្ពៃ សង្កាត់ស្លាកែត ក្រុងបាត់ដំបង និងបានដកហូតវត្ថុតាងគ្រឿងញៀនម៉ាទឹកកក ០៧ កញ្ចប់ ទម្ងន់ ៣,០៧ ក្រាម ទូរស័ព្ទដៃ ០២ គ្រឿង និង ម៉ូតូ ០១ គ្រឿង ម៉ាក ហុងដាឌ្រីម ឆ្នាំ ២០១៧ ។

លុះដល់ម៉ោង ១១ : ១០ នាទី ថ្ងៃ ខែ ឆ្នាំ ដដែល នៅភូមិគោកឃ្មុំ ឃុំគោកឃ្មុំ ស្រុកថ្មគោល ខេត្តបាត់ដំបង កម្លាំងការិយាល័យជំនាញបានធ្វើការឃាត់ខ្លួនជនសង្ស័យករណីគ្រឿងញៀនចំនួន ០២ នាក់ទៀតដែលជាមេក្លោងរបស់ឈ្មោះ ណូ រ៉នី ៖

១-ឈ្មោះ យឿម យឿន ហៅពីលីប ភេទប្រុស អាយុ ២៦ ឆ្នាំ មុខរបរមិនពិតប្រាកដ ទីលំនៅភូមិតាកុយ សង្កាត់ក្តុលដូនទាវ ក្រុងបាត់ដំបង

២-ឈ្មោះ ឡេស សើគីរីន ភេទប្រុស អាយុ ៣២ ឆ្នាំ មុខរបរមិនពិតប្រាដក ទីលំនៅភូមិ ដាំស្ពៃ សង្កាត់ស្លាកែត ក្រុង បាត់ដំបង កម្លាំងបានដកហូតវត្ថុតាង

១-ម៉ូតូ ហុងដាឃ្លីច ពណ៌ ស  ស៊េរី ឆ្នាំ ២០១៧

២-ទូរស័ព្ទដៃ ០២ គ្រឿង

ជនសង្ស័យ និង វត្ថុតាងត្រូវបានកម្លាំងការិយាល័យជំនាញកសាងសំណុំរឿងបញ្ចូនទៅតុលាការតាមនីតិវិធី ។