កំពង់ស្ពឺ៖ ក្រុមចែកចាយ និងប្រើប្រាស់គ្រឿងញៀនយ៉ាងសកម្មត្រូវបានបង្ក្រាបរសៀលថ្ងៃទី២០ ខែឧសភា ឆ្នាំ២០១៨ នៅចំនុចភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ ដោយកម្លាំងកងរាជអាវុធហត្ថមូលដ្ឋានកងរាជអាវុធហត្ថស្រុកសំរោងទង សហការជាមួយកម្លាំងមន្ទីរយុត្តិធម៌កងរាជអាវុធហត្ថខេត្តកំពង់ស្ពឺ និងដោយមានបញ្ជាផ្ទាល់ពីលោកឧត្តមសេនីយ៍ត្រី ជូ សារុន មេបញ្ជាការកងរាជអាវុធហត្ថខេត្តកំពង់ស្ពឺ ។

លោកវរសេនីយ៍ត្រី វិន ឡេងហួង មេបញ្ជាការកងរាជអាវុធហត្ថស្រុកសំរោងទងបានឲ្យដឹងថា ករណីនេះកម្លាំងបានឃាត់ខ្លួនជនសង្ស័យចំនួន០៨នាក់ ក្នុងនោះមាន ស្រី០១នាក់រួមមាន៖

១-ឈ្មោះ រឿង សំណាង ភេទប្រុស អាយុ ១៩ឆ្នាំ រស់នៅភូមិព្រៃគុយ ឃុំត្រពាំងងគង ស្រុកសំរោងទង

២-ឈ្មោះ រឿន ផេងអាន ភេទប្រុស អាយុ ២០ឆ្នាំ រស់នៅភូមិ ឃុំ ជាមួយគ្នា

៣-ឈ្មោះ ស្រេង ទី ភេទប្រុស អាយុ ២៣ឆ្នាំ រស់នៅភូមិ ឃុំជាមួយគ្នា

៤-ឈ្មោះ ឌី សារ៉ុម ភេទប្រុស អាយុ ៣៦ឆ្នាំ រស់នៅភូមិឃុំជាមួយគ្នា

៥-ឈ្មោះ ស រស្មី ភេទប្រុស អាយុ ១៨ឆ្នាំ រស់នៅភូមិ ឃុំជាមួយគ្នា

៦-ឈ្មោះ សុខ សំណាង ភេទស្រី អាយុ ២៣ឆ្នាំ រស់នៅភូមិ ឃុំជាមួយគ្នា

៧-ឈ្មោះ អឿន អាត់ ភេទប្រុស អាយុ ៣១ឆ្នាំ រស់នៅភូមិត្រពាំងពើក ឃុំពើក ស្រុកអង្គស្នួល ខេត្តកណ្តាល

៨-ឈ្មោះ ម៉ៅ សាន ភេទប្រុស អាយុ ២០ឆ្នាំ រស់នៅភូមិអន្លង់ជ្រៃ ស្រុកថ្ពង ។

កម្លាំងបានដកហូតវត្ថុតាងរួមមានថ្នាំញៀនចំនួន ១៦កញ្ចប់, ម៉ូតូចំនួន ០៣គ្រឿង, សម្ភារៈជក់ និងវេចខ្ចប់មួយចំនួន, ដាវចំនួន០១ និងពូថៅចំនួន០១។

បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញកងរាជអាវុធហត្ថខេត្ត កំពុងចាត់ការតាមនីតិវិធី៕