អហ.ដង្កោ៖ ជនសង្ស័យពីរនាក់ ដែលពាក់ព័ន្ធថ្នាំញៀន២នាក់ ត្រូវបាន កម្លាំងល្បាតកងរាជ​អាវុធហត្ថ​ ឃាត់ខ្លួន កាលពីវេលាម៉ោង ២០និង​៣០នាទី ថ្ងៃទី​១០ ខែមីនា ឆ្នាំ​២០១៦ នៅចំណុច ផ្លូវ២១៧ ស្ថិតភូមិម័ល សង្កាត់ដង្កោ ខណ្ឌដង្កោ ។​
យោងតាមសេចក្តីរាយការណ៍មន្ត្រីកងរាជអាវុធហត្ថ បានឲ្យដឹងថា «ក្នុងអំឡុងពេលល្បាត ប្រទះឃើញជនសង្ស័យចំនួន០២នាក់ជិះម៉ូតូម៉ាកស្មាស់វី ចំនួន០១គ្រឿងពណ៌ខ្មៅ មិនចាំសេរីពាក់ស្លាកលេខ ភ្នំពេញ ១AT-៨៧៩៥ ក្នុងទិសដៅពីត្បូងទៅជើង។ដោយមានការសង្ស័យកំលាំងល្បាតក៏ចាប់ផ្តើមធ្វើការឃាត់ដើម្បីសួរនាំតែជនសង្ស័យទាំង០២មិនបានឈប់ម៉ូតូទេហើយក៏បន្ថែមល្បឿនបំរុងជិៈគេចខ្លួនតែត្រូវកំលាំងល្បាតព្យាយាមតាមនិងគៀងអោយចូលគៀនផ្លូវតែជនសង្ស័យនៅតែមិនព្រមឈប់ទៀតក៏បណ្តាលអោយម៉ូតូជនសង្ស័យដួលតែម្តងហើយកំលាំងល្បាតក៏ឃាត់ខ្លួនជនសង្ស័យបានទាំង០២នាក់តែម្តងរួចចាប់ផ្តើមធ្វើការត្រួតពិនិត្យក៏ប្រទះឃើញទូរស័ព្ទរបស់ជនសង្ស័យ០១គ្រឿងពណ៌ស(របូតថថ្មចេញពីគ្នា)និងកញ្ចប់ថង់ពណ៌ខ្មៅចងក្របួចជិតនៅក្បែរគ្នាហើយ នៅក្បែរម៉ូតូជនសង្ស័យដែលដួលចំងាយប្រហែលកន្លះម៉ែត្រពីម៉ូតូក៏ស្រាយមើលស្រាប់តែឃើញក្រាមពណ៌សថ្លានៅក្នុងថង់នោះ(សង្ស័យសារធាតុញៀន)។ហើយបានឃាត់ជនសង្ស័យទាំង០២នាក់ រួមទាំងមធ្យោបាយ ទូរស័ព្ទចំនួន០៤គ្រឿង និងវត្ថុតាងខាងលើបញ្ជូនមក អ.ហ ខណ្ឌដង្កោរួចក៏បញ្ជូនបន្តទៅការិយាល័យប្រឆាំងគ្រឿងញៀន អ.ហ រាជធានីភ្នំពេញដើម្បីចាត់ការតាមនិតិវិធីបន្ត» ៕​