អហ​.កំពត៖ កម្លាំ​ង​កងរាជ​អាវុធហត្ថខេត្តកំពត កាលពីវេលាម៉ោង១៣​និង​២៥នាទី ថ្ងៃទី​១១ ខែមីនា ឆ្នាំ​២០១៦ បាន​ចុះបង្ក្រាបករណីជួញដូរ និងប្រើប្រាស់គ្រឿងញៀន ចំណុច ផ្ទះសំណាក់សុជាតិ ស្ថិតក្នុងភូមិ ទ្វីខាងជើង សង្កាត់អណ្តូង​​ខ្មែរ ក្រុងកំពត​។​
ក្នុងការចុះបង្ក្រាបនេះ កម្លាំង អហ បានឃាត់ខ្លួន ជនសង្ស័យ ០៦នាក់ ក្នុងនោះមាន 1. ភន ដាវ៉េត ភេទ ប្រុស អាយុ 26ឆ្នាំរស់នៅ ភូមិជុំគ្រៀល ឃុំជុំ គ្រៀល ស្រុកទឹកឈូ ខេត្តកំពត មុខរបរកម្មករស្រែអំបិល។
2. ឈឺម ជាតិ ភេទ ប្រុស អាយុ 27ឆ្នាំ រស់នៅ ភូមិព្រៃឃ្មុំ ឃុំព្រៃឃ្មុំ ស្រុកទឹកឈូ ខេត្តកំពត មុខរបរកម្មករសំណង់។
3. ឆាំ ហៀង ភេទប្រុស អាយុ 23ឆ្នាំ រស់នៅភូមិ ត្រពាំងសេះ ឃុំ ល្អាង ស្រុកដងទង់ ខេត្តកំពត មុខរបរកសិករ។
4. ស៊ូ ប៊ុនសៀង ភេទប្រុស អាយុ 20ឆ្នាំ រស់នៅ ភូមិថ្មី ឃុំថ្មី ស្រុកទឹកឈូ ខេត្តកំពត មុខរបរ កម្មករសំណង់។
5. ម៉េង សារ៉ាត់ ភេទប្រុស អាយុ30ឆ្នាំ រស់នៅភូមិសុវណ្ណសាគរ ឃុំ កំពង់កណ្ដាល ក្រុងកំពត ខេត្តកំពត។
6. វ៉ាត ស្រីនិត ភេទស្រី អាយុ25ឆ្នាំ រស់នៅភូមិ អូរតូច សង្កាត់អណ្ដូងខ្មែរ ក្រុងកំពត ខេត្តកំពត មុខរបរបំរើការងារ ខារ៉ាអូខេ។
ក្នុងនោះ កម្លាំងអាវុធហត្ថក៏ចាប់ដកវត្ថុតាងមាន ម៉ូតូ២គ្រឿង ទូរស័ព្ទដៃ២គ្រឿង កាបូបចំនួន​២ កាស​សាំស៊ុងចំនួន​១ អត្តសញ្ញាណបណ្ណសញ្ជាតិខ្មែរ ប្រាក់រៀលចំនួន ២៤៥០០០រៀល ប្រាក់ដុល្លារ ២០ដុល្លារ ។​
សម្រាប់ជនសង្ស័យខាងលើ ត្រូវសមត្ថកិច្ចជំនាញ​បញ្ចូន​ បន្តដើម្បីចាត់ការតាមនីតិវិធី​៕​