សៀមរាប៖ នៅវេលាម៉ោង១៧:៣០នាទី ថ្ងៃអង្គារ ១៥កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៩ ខែឧសភា ឆ្នាំ២០១៨ កម្លាំងកងរាជអាវុធហត្ថខេត្តសៀមរាប សហការជាមួយកងរាជអាវុធហត្ថស្រុកពួក បានចុះបង្រ្កាបករណីរក្សាទុក និងជួញដូរគ្រឿងញៀនដោយខុសច្បាប់ នៅចំណុចភូមិសណ្តាន់ សង្កាត់ទឹកវិល ក្រុង/ខេត្តសៀមរាប។ ក្នុងនោះឃាត់ខ្លួនជនសង្ស័យចំនួន១០នាក់ និងចាប់បានវត្ថុតាងមានម្សៅគ្រើមម៉ាទឹកកកចំនួន ២២កញ្ចប់ ស្មើនឹង១១,៨៤ក្រាម និងទូរស័ព្ទចំនួន ០៨គ្រឿង។
បច្ចុប្បន្នជនសង្ស័យ និងវត្ថុតាង ត្រូវមន្ត្រីជំនាញកងរាជអាវុធហត្ថខេត្តកសាងសំណុំរឿងបញ្ជូនទៅសាលាដំបូង។