កណ្តាល៖ នៅវេលាម៉ោង ១៨ និង ៣៥នាទី ថ្ងៃសុក្រ ៣រោច ខែជេស្ជ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០១ ខែមិថុនា ឆ្នាំ២០១៨ នៅចំនុចផ្លូវជាតិលេខ៤ ភូមិត្រពាំងរាំង ឃុំព្រៃពួច ស្រុកអង្គស្នួល ខេត្តកណ្តាល កម្លាំងមូលដ្ឋានកងរាជអាវុធហត្ថស្រុកអង្គស្នួល ដឹកនាំដោយលោកវរសេនីយ៍ត្រី ស៊ូ វ៉ាន់ធឿន មេបញ្ជាការមូលដ្ឋានកងរាជអាវុធហត្ថស្រុក បានឃាត់រថយន្ត ០១គ្រឿង ម៉ាកសាំយ៉ុង ពណ៌ស ស្លាកលេខភ្នំពេញ ២O ៩១៥៦ ដែលដឹកជញ្ជូនឈើគ្មានលិខិតអនុញ្ញាត ដោយឃាត់ខ្លួនជនសង្ស័យចំនួន ០២នាក់៖

១.អ្នកបើកបរឈ្មោះ ជា សុខឃឿន  ភេទប្រុស អាយុ ៣៨ឆ្នាំ មុខរបរបើកបរ មានទីលំនៅភូមិពង្រ ឃុំកណ្តុរដុំ ស្រុកច្បាមន ខេត្តកំពង់ស្ពឺ។

២.ឈ្មោះ សំ សុត្រា ភេទប្រុស អាយុ ២៦ឆ្នាំ មុខរបរព្រូឡាន ទីលំនៅបច្ចុប្បន្នភូមិចំការរ័ត្ន ឃុំវល្លិ៍ស ស្រុកសំរោងទង ខេត្តកំពង់ស្ពឺ។

វត្ថុតាងចាប់យករួមមាន៖

១.ឈើប្រភេទធ្នង់ ៣១ កំណាត់

២.អាវុធកែច្នៃបាញ់គ្រាប់កង់០១ដើម និងអត្តសញ្ញណបណ្ណ័នគរបាល (ក្លែងក្លាយមួយសន្លឹកដោយបិទរូបអ្នកបើកបររថយន្ត) នៅក្នុងរថយន្តខាងលើ។

៣.ម្ចាស់ឈើឈ្មោះ ឃី ភេទប្រុស រស់នៅភូមិ ត្រពាំងក្រឡឹង ខេត្តកំពង់ស្ពឺ ។

ជនសង្ស័យ និងវត្ថុតាង បានប្រគល់ទៅរដ្ឋបាលព្រៃឈើ ស្រុកអង្គស្នួលដើម្បីបន្តនីតិវិធី។