បាត់ដំបង៖ នៅវេលាម៉ោង ១៩ និង ២០ នាទីថ្ងៃអង្គារ ទី០៥ ខែមិថុនា ឆ្នាំ២០១៨ កម្លាំងកងរាជអាវុធហត្ថខេត្តបាត់ដំបង បានចុះប្រតិបត្តិការបង្ក្រាបរថយន្តដឹកឈើគ្មានលិខិតអនុញ្ញាត ស្ថិតនៅចំណុចច្រកចង្អៀតស្ថិតនៅភូមិព្រៃធំ ឃុំកំពង់ល្ពៅ ស្រុកសំឡូត ខេត្តបាត់ដំបង ។ កម្លាំងបានធ្វើការចាប់យកវត្ថុតាងរួមមានៈ រថយន្តចំនួន ០១គ្រឿង, ឈើប្រណិតចំនួន ១៨២ ស្មើនឹង ៤,៩២៦ ម៉ែត្រគូប (ឈើបេង ៧៨ដុំ ស្មើនឹង ២,៥៦៤ ម៉ែត្រគូប, ឈើនាងនួន ៤ដុំ ស្មើនឹង ០,៩៩៨ ម៉ែត្រគូប និងឈើធ្នង់ ១០០ដុំ ស្មើនឹង ១,៣៦៦ម៉ែត្រគូប) អ្នកបើកបរបានរត់គេចខ្លួនបាត់ ។

បច្ចុប្បន្នកម្លាំងអាវុធហត្ថបានប្រគល់វត្ថុតាងខាងលើ ឱ្យទៅមន្ត្រីបរិស្ថានខេត្តបាត់ដំបង ដើម្បីចាត់ការតាមនីតិវិធី។