ព្រៃវែង៖ ដោយទទួលបទបញ្ជាពី លោកឧត្តមសេនីយ៍ត្រី ឈួន គឹមសាន មេបញ្ជាការកងរាជអាវុធហត្ថខេត្តព្រៃវែង កំលាំងមន្ទីរយុត្តិធម៌ សហការជាមួយកម្លាំងមូលដ្ឋានកងរាជអាវុធហត្ថស្រុកកំចាយមារ ដឹកនាំដោយ លោកវរសេនីយ៍ត្រី ផាត់ សុជោត ប្រធានមន្ទីរយុត្តិធម៌ បានចុះបង្រ្កាបបទល្មើសគ្រឿងញៀននៅចំណុច ភូមិកន្លែងជ្រៅ ឃុំបៅ ស្រុកកំចាយមា ខេត្តព្រៃវែង ដោយឃាត់ខ្លួនជនសង្ស័យម្នាក់ឈ្មោះ អ៊ិន សុផាត ភេទប្រុស អាយុ ២៤ឆ្នាំ រស់នៅភូមិក្រូច ឃុំពពេល ស្រុករំដួល ខេត្តស្វាយរៀង ។

កម្លាំងបានចាប់យកវត្ថុតាងរួមមាន៖

-ម្សៅក្រាមពណ៌សចំនួន ០២កញ្ចប់

-ទូរស័ព្ទចំនួន ០១គឿង និងសម្ភារៈសំរាប់ប្រើប្រាស់គ្រឿងញៀនមួយចំនួនទៀត។

បច្ចុបន្នជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្ត កំពុងបន្តនីតិវិធី។