កោះកុង៖ នៅវេលាម៉ោង ០១ និង ២៧ នាទីថ្ងៃទី០៨ ខែមិថុនា ឆ្នាំ២០១៨ កម្លាំងមូលដ្ឋានកងរាជអាវុធហត្ថក្រុងខេមរភូមិន្ទ ដឹកនាំដោយលោកអនុសេនីយ៍ឯក កាយ ប៊ុន្នីម មេបញ្ចាការមូលដ្ឋានកងរាជអាវុធហត្ថក្រុង ដោយមានការចង្អុលបង្ហាញពីឧត្តមសេនីយ៍មេបញ្ចាការកងរាជអាវុធហត្ថខេត្ត និងដោយមានការសម្របសម្រួលនីតិវិធីពីលោក ប៊ូ ប៊ុនហាង ព្រះរាជអាជ្ញាអមសាលា ដំបូងខេត្តកោះកុងកំលាំង បានចុះបង្រ្កាបករណីជួញដូរដោយខុសច្បាប់នូវសារធាតុញៀន ស្ថិតនៅចំណុចភូមិ២ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ក្នុងកិច្ចប្រតិបត្តិការនេះកំលាំងបានឃាត់ខ្លួនជនសង្ស័យម្នាក់ឈ្មោះ មុត ញាញ់ ភេទប្រុស អាយុ ២៣ឆ្នាំ មុខរបរមិនពិតប្រាកដ មានស្រុកកំណើតភូមិសំរុង ឃុំសំរុង ស្រុកព្រៃនប់ខេត្តព្រះសីហនុ កម្លាំងបានដកហូតវត្ថុតាងមានម្សៅក្រាមពណ៌សប្រភេទម៉ាទឹកកកចំនួន ០១ កញ្ចប់ទំងន់ ១,៧៥ក្រាម, ម៉ូតូចំនួន ១គ្រឿង និងទូរស័ព្ទចំនួន ១គ្រឿង។

បច្ចុប្បនកម្លាំងជំនាញកងរាជអាវុធហត្ថកំពុងកសាងសំណុំរឿងដើម្បីបញ្ចូនទៅសាលាដំបូងខេត្ត។