សៀមរាប៖ នៅវេលាម៉ោង ១៦ និង ៣០នាទី ថ្ងៃទី០៨ ខែមិថុនា ឆ្នាំ២០១៨ កម្លាំងកងរាជអាវុធហត្ថខេត្តសៀមរាប សហការជាមួយកម្លាំងមូលដ្ឋានកងរាជអាវុធហត្ថស្រុកជីក្រែង បានចុះបង្ក្រាបករណី រក្សាទុក ដឹកជញ្ជូនឬជួញដូរដោយខុសច្បាប់នូវសារធាតុញៀន នៅចំណុចភូមិកំពង់ស្នោ ឃុំជីក្រែង ស្រុកជីក្រែង ខេត្តសៀមរាប ដោយឃាត់ខ្លួនជនសង្ស័យចំនួន ០២នាក់៖

១.ឈ្មោះ ទួន មករា ភេទប្រុស អាយុ ២៤ឆ្នាំ មុខរបរមិនពិតប្រាកដ ទីលំនៅភូមិអន្លង់ត្នោត ឃុំជីក្រែង ស្រុកជីក្រែង ខេត្តសៀមរាប។

២.ឈ្មោះ តាន់ ដាវីន ភេទប្រុស អាយុ ២៤ឆ្នាំ មុខរបរជាងឈើ ទីលំនៅភូមិបេង ឃុំជីក្រែង ស្រុកជីក្រែង ខេត្តសៀមរាប។

កម្លាំងបានចាប់យកវត្ថុតាង ម្សៅគ្រើមម៉ាទឹកកកចំនួន ២៥កញ្ចប់ ទម្ងន់ ១៦,៤២ក្រាម, ជញ្ជីងថ្លឹងថ្នាំញៀនចំនួន ០១គ្រឿង និងទូរស័ព្ទចំនួន ០២គ្រឿង។

បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្តកសាងសំណុំរឿង បញ្ជូនទៅសាលាដំបូង ។